اِس اُمید کو تھام لو

۱.‏ اِک دن سارے اندھے دیکھیں گے

اُس وقت سارے بہرے سنیں گے

ریگستاں بنے گا گلستاں

سیراب تب ہوگا بیاباں

پھر سب لنگڑے چلیں پھریں گے

اُس وقت مُردے پھر سے جئیں گے

تُم یہ سارے معجزے دیکھو گے

گر تُم یہ اُمید تھام لو گے

۲.‏ اِک دن گونگے فر فر بولیں گے

اور سب بوڑھے پھر جواں ہوں گے

تب زمیں دے گی کُل پیداوار

سماں وہ ہوگا خوش گوار

اُس وقت خوف کا سایہ نہ ہوگا

ہر ایک چین سکون سے بسے گا

تُم یہ سارے معجزے دیکھو گے

گر تُم یہ اُمید تھام لو گے

۳.‏ خطرناک تب جانور نہ ہوں گے

شیر اور بچھڑا مل کر چریں گے

چیتا بھیڑ کے ساتھ پھر بیٹھے گا

شِیرخوار اُن سے نہ ڈرے گا

دُکھ اور درد کا نام مٹ جائے گا

تب خدا سب آنسو پونچھ دے گا

تُم یہ سارے معجزے دیکھو گے

گر تُم یہ اُمید تھام لو گے