یسوع مسیح جُرم اور نااِنصافی کو ختم کر دیں گے

یسوع مسیح جانتے ہیں کہ جب ایک شخص کو جُرم اور نااِنصافی کا سامنا کرنا پڑتا ہے تو اُس پر کیا بیتتی ہے۔ یسوع پر بھی جھوٹے اِلزام لگائے گئے اور اُنہیں بِلاوجہ ماراپیٹا گیا۔ حالانکہ وہ بے‌قصور تھے لیکن پھر بھی اُن پر جھوٹا مُقدمہ چلا کر اُنہیں سزا سنائی گئی۔ اور اُنہیں بے‌رحمی سے سُولی دے دی گئی۔ اُنہوں نے یہ سب کچھ اِس لیے سہا کیونکہ وہ اِنسانوں سے محبت کرتے تھے۔ اِسی لیے اُنہوں نے ”‏بہت سے لوگوں کے لیے اپنی جان فدیے کے طور پر“‏ دے دی۔ (‏متی 20:‏28؛‏ یوحنا 15:‏13‏)‏ اب وہ خدا کی بادشاہت کے بادشاہ ہیں اور بہت جلد وہ پوری زمین سے جرائم اور نااِنصافی کو ہمیشہ ہمیشہ کے لیے ختم کر دیں گے۔—‏یسعیاہ 42:‏3‏۔‏

پاک کلام میں بتایا گیا ہے کہ جب یسوع مسیح یہ کام کریں گے تو پوری زمین پر حالات کیسے ہوں گے۔ اِس میں یہ لکھا ہے:‏

•  ”‏بُرے لوگ نہیں رہیں گے؛ تُم اُس جگہ کو دیکھو گے جہاں وہ ہوتے تھے مگر وہ وہاں نہیں ہوں گے۔ لیکن حلیم لوگ زمین کے مالک ہوں گے؛ وہ بے‌اِنتہا خوشی پائیں گے کیونکہ ہر طرف امن ہوگا۔“‏‏—‏زبور 37:‏10، 11‏۔‏

ہم اُس سب کے لیے قدر کیسے دِکھا سکتے ہیں جو یسوع مسیح نے ہمارے لیے کِیا اور جو وہ مستقبل میں ہمارے لیے کریں گے؟ ایسا کرنے کا ایک طریقہ یہ ہے کہ ہم اُس پیغام کے بارے میں اَور جانیں جو یسوع نے دیا تھا اور یہ پیغام ”‏خدا کی بادشاہت کی خوش‌خبری“‏ کے بارے میں تھا۔ (‏لُوقا 4:‏43‏)‏ اِس مضمون کو پڑھیں:‏ ”‏خدا کی بادشاہت کیا ہے؟‏‏“‏