مضامین کی فہرست

گیت گانا شروع سے ہی یہوواہ کے بندوں کے لیے عبادت کا ایک اہم حصہ رہا ہے۔ لیکن شاید بعض لوگوں کو دوسروں کے سامنے گانے میں شرم محسوس ہو۔ ہم پورے جوش و جذبے سے یہوواہ کے حضور گیت گانے کے قابل کیسے ہو سکتے ہیں؟ اِس مضمون میں بتایا گیا ہے کہ ہمیں خوشی سے یہوواہ کی حمد کیوں کرنی چاہیے۔ اِس کے علاوہ اِس میں کچھ مشورے بھی دیے گئے ہیں جن پر عمل کر کے ہم اپنی گانے کی صلاحیت میں بہتری لا سکتے ہیں۔‏

ہم قدیم اِسرائیل میں کیے گئے پناہ کے شہروں کے بندوبست سے بہت سے اہم سبق سیکھ سکتے ہیں۔ پہلے مضمون میں بتایا جائے گا کہ آج‌کل وہ اشخاص یہوواہ میں پناہ کیسے لے سکتے ہیں جن سے کوئی سنگین گُناہ ہو جاتا ہے۔ دوسرے مضمون میں بتایا جائے گا کہ یہوواہ خدا کی مثال سے ہم دوسروں کو معاف کرنے، زندگی کی قدر کرنے اور اِنصاف سے کام لینے کے بارے میں کیا سیکھتے ہیں۔‏

اِن دو مضامین میں اُن مشوروں پر بات کی گئی ہے جو پولُس نے کُلسّے کے مسیحیوں کو دیے تھے۔ پہلے مضمون میں بتایا گیا ہے کہ جب ہم دُنیا کے ایسے نظریات کے بارے میں سنتے ہیں جو لوگوں کو صحیح لگتے ہیں تو ہمیں کیا کرنا چاہیے۔ دوسرے مضمون میں بتایا گیا ہے کہ ہم ایسے کاموں سے کیسے دُور رہ سکتے ہیں جو ہمیں اُن برکات سے محروم کر سکتے ہیں جن کا وعدہ یہوواہ نے ہم سے کِیا ہے۔‏