مسیحیوں کے طور پر زندگی
والدین! اپنے بچوں کو سکھائیں کہ وہ کیسے خدا کو خوش کر سکتے ہیں
یہوواہ کی نظر میں بچے بہت انمول ہیں۔ وہ دیکھتا ہے کہ بچوں کا ایمان کس طرح مضبوط ہو رہا ہے، اُن کے دل میں اُس کے لیے محبت کیسے بڑھ رہی ہے اور وہ ہر مشکل میں کس طرح اُس کے وفادار رہنے کی کوشش کر رہے ہیں۔ (1-سمو 2:26؛ لُو 2:52) اگر بچوں کی عمر بہت کم بھی ہے تو تب بھی وہ اپنے کاموں سے یہوواہ کے دل کو خوش کر سکتے ہیں۔ (امثا 27:11) یہوواہ نے اپنی تنظیم کے ذریعے ماں باپ کی مدد کے لیے بہت سی سہولتیں دی ہیں تاکہ وہ اپنے بچوں کو اُس کی بات ماننا اور اُس سے پیار کرنا سکھا سکیں۔
ویڈیو ”بچو—یہوواہ آپ کی ثابتقدمی سے خوش ہوتا ہے!“ کو دیکھیں اور پھر اِن سوالوں کے جواب دیں:
یہوواہ نے پچھلے کچھ عرصے میں بچوں کی مدد اور رہنمائی کے لیے کون کون سی چیزیں دی ہیں؟
اِس وقت یہوواہ کی تنظیم کی طرف سے ماں باپ کے لیے کون سی سہولتیں موجود ہیں تاکہ وہ اپنے بچوں کی مدد کر سکیں؟
اگر آپ چھوٹے بچے ہیں تو بتائیں کہ یہوواہ نے آپ کو کیا دیا ہے جس سے آپ کو فائدہ ہوا اور آپ کو اِس سے کیوں فائدہ ہوا ہے؟