مسیحیوں کے طور پر زندگی
گواہی دینے کے کام میں اپنی مہارتوں کو نکھاریں—جب لوگ دروازہ کھولے بغیر بات کرتے ہیں تو مؤثر طریقے سے گواہی دیں
یہ مہارت پیدا کرنا ضروری کیوں ہے؟ ثقافت یا بڑھتے ہوئے جرائم کی وجہ سے اکثر لوگ اجنبیوں سے اپنے گھروں کا دروازہ کھول کر بات کرنے سے ہچکچاتے ہیں اور عموماً بند دروازے کے پیچھے سے ہی بات کرتے ہیں۔ شاید ایسی صورتحال میں ہمیں اُنہیں گواہی دینا مشکل لگے کیونکہ ہم اُنہیں دیکھ نہیں پاتے لیکن ہو سکتا ہے کہ وہ ہمیں دیکھ رہے ہوں۔ نیچے کچھ ایسے مشورے دیے گئے ہیں جن کے ذریعے ہم ہچکچائے بغیر اور مؤثر طریقے سے ایسے لوگوں کو گواہی دے سکتے ہیں۔
آپ کیا کر سکتے ہیں؟
مثبت سوچ رکھیں۔ بہت سے لوگ دروازہ کھولنے سے تو ہچکچاتے ہیں لیکن ہماری بات سننے کے لیے تیار ہوتے ہیں۔
یاد رکھیں کہ کسی گھر کا دروازہ بجانے سے پہلے ہی شاید وہ لوگ ہمیں اپنے گھر کی چھت یا کھڑکی وغیرہ سے دیکھ رہے ہوں اور ہماری باتیں بھی سُن رہے ہوں۔
جب لوگ دروازے کے پیچھے سے بات کرتے ہیں تو اُن سے ایسے ہی بات کریں جیسے آپ اُن سے آمنے سامنے بات کر رہے ہوں۔ بات کرتے ہوئے مسکرائیں اور قدرتی انداز میں اِشارے کریں۔ اُس شخص سے وہی بات کریں جو آپ اُس وقت کرتے جب وہ دروازہ کھول کر بات کرتا۔ اگر صاحبِخانہ اپنے گھر کی کھڑکی یا دروازے سے بات کر رہا ہو تو اُس کھڑکی یا دروازے کے بہت زیادہ قریب جا کر بات نہ کریں۔
یاد رکھیں کہ باتچیت ختم ہونے کے بعد بھی ہو سکتا ہے کہ صاحبِخانہ آپ کو دیکھ رہا ہو اور آپ کی باتیں سُن رہا ہو۔