مسیحیوں کے طور پر زندگی
کیا آپ اپنے عقیدے کی وضاحت کر سکتے ہیں؟
اگر کوئی شخص آپ سے پوچھے کہ آپ یہ کیوں مانتے ہیں کہ خدا نے سب چیزوں کو بنایا ہے تو آپ کیا کہیں گے؟ پورے اِعتماد سے جواب دینے کے لیے آپ کو دو کام کرنے ہوں گے۔ سب سے پہلے تو آپ کو خود یہ اچھی طرح جان لینے کی ضرورت ہے کہ تخلیق کا نظریہ درست ہے۔ (روم 12:1، 2) پھر آپ کو یہ سوچنا ہوگا کہ آپ دوسروں کے سامنے اپنے عقیدے کی وضاحت کیسے کریں گے۔—امثا 15:28۔
پنجابی (شاہ مکھی) ویڈیو ”ہڈیاں دی اِک سرجن اپنے ایمان بارے دَسدی اے“ اور ”اِک ماہِرحیوانیات اپنے ایمان بارے دَسدا اے“ دیکھیں اور غور کریں کہ کچھ اَور لوگ کن وجوہات کی بِنا پر تخلیق کے نظریے کو مانتے ہیں اور پھر اِن سوالوں کے جواب دیں:
اِرن ہوف لوہنسو اِرتقا کی بجائے تخلیق کے نظریے کو کیوں مانتی ہیں؟
یروسلوو ڈوونیچ اِرتقا کی بجائے تخلیق کے نظریے کو کیوں مانتے ہیں؟
آپ دوسروں کے سامنے یہ وضاحت کیسے کر سکتے ہیں کہ آپ تخلیق کے نظریے کو کیوں مانتے ہیں؟
یہوواہ کی تنظیم کی طرف سے کون سی سہولتیں آپ کی زبان میں دستیاب ہیں جن کی مدد سے آپ یہ جان سکتے ہیں اور دوسروں کو بھی اِس بات پر قائل کر سکتے ہیں کہ خدا نے سب چیزوں کو بنایا ہے؟