پاک کلام سے سنہری باتیں | کُلسّیوں 1-4
’پُرانی شخصیت کو اُتار پھینکیں اور نئی شخصیت کو پہن لیں‘
جب آپ نے سچائی کو قبول کِیا تھا تو کیا آپ کو اپنی شخصیت میں بڑی بڑی تبدیلیاں کرنی پڑیں؟ اگر آپ نے واقعی ایسا کِیا ہے تو یقین مانیں کہ یہوواہ آپ کی کوششوں سے بہت خوش ہوا ہوگا۔ (حِز 33:11) لیکن ہمیں مسلسل کوشش کرنی چاہیے تاکہ ہماری پُرانی شخصیت سر نہ اُٹھائے اور ہم نئی شخصیت کو ظاہر کرتے رہیں۔ یہ جاننے کے لیے کہ آپ کو اپنی شخصیت کے کن پہلوؤں میں بہتری لانے کی ضرورت ہے، اِن سوالوں کے جواب دیں:
کیا میرے دل میں کسی ایسے شخص کے لیے رنجش ہے جس نے میرا دل دُکھایا ہے؟
کیا مَیں اُس وقت بھی تحمل سے کام لیتا ہوں جب مَیں جلدی میں ہوتا ہوں یا تھکا ہوا ہوتا ہوں؟
اگر میرے دل میں کوئی گندا خیال آئے تو کیا مَیں اِسے فوراً رد کرتا ہوں؟
کیا مَیں دوسری قوم یا نسل کے لوگوں کے بارے میں منفی سوچ رکھتا ہوں؟
کیا حال ہی میں ایسا ہوا ہے کہ مَیں نے کسی سے سختی سے بات کی یا غصے میں آپے سے باہر ہو گیا؟