گواہی دینے کے کام میں اپنی مہارتوں کو نکھاریں—‏بااُن لوگوں کی شاگرد بننے میں مدد کریں جو ”‏ہمیشہ کی زندگی کی راہ پر چلنے کی طرف مائل“‏ ہیں

یہ مہارت پیدا کرنا ضروری کیوں ہے؟‏ یہوواہ خدا اُن لوگوں کے دل میں سچائی کا بیج بڑھاتا ہے ”‏جو ہمیشہ کی زندگی کی راہ پر چلنے کی طرف مائل“‏ ہیں۔ (‏اعما 13:‏48؛‏ 1-‏کُر 3:‏7‏)‏ جب ہم مُنادی کے دوران اُن لوگوں پر خاص توجہ دیتے ہیں جو بائبل کی تعلیمات کو قبول کرتے ہیں تو ہم خدا کے ساتھ کام کر رہے ہوتے ہیں۔ (‏1-‏کُر 9:‏26‏)‏ بائبل کورس کرنے والے لوگوں کو یہ سمجھنے کی ضرورت ہوتی ہے کہ نجات حاصل کرنے کے لیے بپتسمہ لینا لازمی ہے۔ (‏1-‏پطر 3:‏21‏)‏ ہم اُن کو اپنی زندگی میں تبدیلیاں کرنا، مُنادی کرنا اور تعلیم دینا اور اپنی زندگی یہوواہ کے لیے وقف کرنا سکھاتے ہیں اور یوں شاگرد بننے میں اُن کی مدد کرتے ہیں۔—‏متی 28:‏19، 20‏۔‏

آپ کیا کر سکتے ہیں؟‏

• بائبل کورس کرنے والوں کو یاد دِلائیں کہ بائبل کورس کا مقصد یہ ہے کہ وہ یہوواہ خدا کو ”‏قریب سے جانیں“‏ اور اُسے خوش کرنا سیکھیں۔—‏یوح 17:‏3‏۔‏

• اُن کی مدد کریں تاکہ وہ رُکاوٹوں کو عبور کر کے جیسے کہ بُری عادتوں اور بُرے ساتھیوں کو چھوڑ کے خدا کی خدمت کرنے کے لیے قدم اُٹھائیں۔‏

• بپتسمہ لینے سے پہلے اور بعد میں اُن کی ہمت بڑھائیں اور اُن کی حوصلہ‌افزائی کریں۔—‏اعما 14:‏22‏۔‏

ویڈیو ‏”‏یہوواہ خدا آپ کی مدد کرے گا‏“‏ کو دیکھیں اور پھر اِن سوالوں کے جواب دیں:‏

• کن خدشوں کی وجہ سے ایک شخص اپنی زندگی خدا کے لیے وقف کرنے اور بپتسمہ لینے سے ہچکچا سکتا ہے؟‏

• بزرگ خدا کی خدمت کرنے کے لیے قدم اُٹھانے میں بائبل کورس کرنے والے لوگوں کی مدد کیسے کر سکتے ہیں؟‏

• ہم یسعیاہ 41:‏10 سے یہوواہ خدا کے بارے میں کیا سیکھتے ہیں؟‏

• ہم عیب‌دار ہونے کے باوجود کن خوبیوں کی بِنا پر صحیح طریقے سے یہوواہ کی خدمت کرنے کے قابل ہوں گے؟‏