پاک کلام سے سنہری باتیں : ایوب 6-10
ایوب نے اپنے درد کا اِظہار کِیا
ایوب کا سارا مال لٹ گیا، اُن کے سارے بچے فوت ہو گئے اور وہ ایک تکلیفدہ بیماری میں مبتلا ہو گئے۔ لیکن اِس سب کے باوجود وہ یہوواہ کے وفادار رہے۔ شیطان نے ایوب کو بےحوصلہ کرنے کی چال چلی تاکہ وہ خدا سے دُور ہو جائیں۔ ایوب کے تین دوست اُن سے ملنے آئے۔ پہلے تو اُن تینوں نے ایوب سے ہمدردی کا دِکھاوا کِیا، پھر وہ سات دن تک ایوب کے ساتھ چپچاپ بیٹھے رہے اور اُن سے تسلی کا ایک لفظ تک نہ کہا۔ لیکن جب اُنہوں نے بولنا شروع کِیا تو اُنہوں نے ایوب پر اِلزامات کی بوچھاڑ کر دی۔
ایوب نے سخت آزمائش میں بھی یہوواہ خدا کی وفاداری نہ چھوڑی
6:3؛ 7:16؛ 9:20-22؛ 10:1، 12
اِنتہائی غم اور دُکھ کی وجہ سے ایوب غلط نظریے کا شکار ہو گئے۔ وہ سوچنے لگے کہ خدا کو اُن کے وفادار رہنے یا نہ رہنے سے کوئی فرق نہیں پڑتا۔
ایوب چونکہ بےحوصلہ ہو گئے تھے اِس لیے اُن کا دھیان اِس بات پر نہ گیا کہ اُن پر جو تکلیفیں آئی ہیں، اُن کی وجہ کچھ اَور بھی ہو سکتی ہے۔
ایوب نے نہایت غمزدہ ہونے کے باوجود اپنے دوستوں کے سامنے اِس بات کا اِظہار کِیا کہ وہ یہوواہ خدا سے بہت محبت کرتے ہیں۔