گواہی دینے کے کام میں اپنی مہارتوں کو نکھاریں​—‏⁠دوسری زبان بولنے والے لوگوں کو گواہی دیں

یہ مہارت پیدا کرنا ضروری کیوں ہے؟‏ یہوواہ خدا چاہتا ہے کہ ”‏ہر قوم“‏ کے لوگوں کو اُس کی قربت میں آنے کا موقع ملے۔ (‏اعما 10:‏34، 35‏)‏ اِس لیے یسوع مسیح نے کہا کہ ”‏تمام دُنیا میں .‏ .‏ .‏ سب قوموں“‏ کو خوش‌خبری کی مُنادی کی جائے۔ (‏متی 24:‏14‏)‏ زکریاہ نبی نے پیش‌گوئی کی کہ ”‏مختلف اہلِ‌لغت میں سے“‏ لوگ خوش‌خبری کو قبول کریں گے۔ (‏زک 8:‏23)‏ اِس کے علاوہ یوحنا رسول نے رویا میں دیکھا کہ جو لوگ بڑی مصیبت میں سے بچ جائیں گے، اُن کا تعلق ”‏ہر ایک قوم اور قبیلہ اور اُمت اور اہلِ‌زبان“‏ سے ہوگا۔ (‏مکا 7:‏9،‏ 13، 14‏)‏ لہٰذا اگر ہم کسی دوسری زبان بولنے والے شخص سے ملتے ہیں تو ہمیں اُسے گواہی دینے کی پوری کوشش کرنی چاہیے۔‏