گواہی دینے کے کام میں اپنی مہارتوں کو نکھاریں—ایسے صاحبِخانہ کے ساتھ نرمی سے پیش آئیں جو غصے میں آ جاتا ہے
یہ مہارت پیدا کرنا ضروری کیوں ہے؟ مُنادی کے دوران ہم بہت سے ایسے لوگوں سے ملتے ہیں جو خوشاخلاق ہوتے ہیں۔ لیکن یسوع مسیح نے پیشگوئی کی تھی کہ کچھ لوگ ہم سے نفرت کریں گے۔ (یوح 17:14) اِس لیے جب ہماری ملاقات ایسے صاحبِخانہ سے ہوتی ہے جو غصے میں آ جاتا ہے تو ہم حیران نہیں ہوتے۔ ہم اُس کے ساتھ اِس طرح سے پیش آنا چاہتے ہیں جس سے یہوواہ خدا خوش ہو۔ (روم 12:17-21؛ 1-پطر 3:15) ایسا کرنے سے صورتحال مزید نہیں بگڑے گی۔ اِس کے علاوہ ہمارے رویے سے صاحبِخانہ کو اور اِردگِرد کے لوگوں کو گواہی ملے گی اور جب اگلی بار کوئی اَور یہوواہ کا گواہ اُن کے پاس آئے گا تو وہ شاید اُس کی بات سننے کے لیے تیار ہوں گے۔—2-کر 6:3۔
اِس مہینے یہ کریں:
اِس سلسلے میں خاندانی عبادت کے دوران مشق کریں۔
جب آپ ایسے صاحبِخانہ کے پاس سے چلے جاتے ہیں جو غصے میں آ گیا تھا تو اپنے ساتھ کام کرنے والے مبشر سے پوچھیں کہ آپ صاحبِخانہ کے ساتھ اَور اچھے طریقے سے کیسے پیش آ سکتے تھے۔