مُنادی کے دوران jw.org کو اِستعمال کریں
ہماری ویبسائٹ ”زمین کی اِنتہا تک“ خوشخبری پھیلانے کا بہت مؤثر ذریعہ ہے۔ (اعما 1:8) لیکن زیادہتر لوگوں کو ہماری ویبسائٹ jw.org کا تبھی پتہ چلتا ہے جب ہمارا کوئی مبشر اُنہیں اِس کے بارے میں بتاتا ہے۔
ایک سفری نگہبان نے اپنے فون پر ویڈیو بائبل میں دلچسپی کیوں لیں؟ ڈاؤنلوڈ کر رکھی ہے اور اُنہیں جب بھی موقع ملتا ہے، وہ اِسے دوسروں کو دِکھاتے ہیں۔ مثال کے طور پر جب وہ گھر گھر مُنادی کرتے ہیں تو وہ کہتے ہیں: ”مَیں لوگوں سے مل کر اُنہیں یہ بتا رہا ہوں کہ وہ زندگی کے تین اہم سوالوں کے جواب کیسے حاصل کر سکتے ہیں جیسے کہ دُنیا میں اِتنے مسئلے کیوں ہیں؟ خدا اِنہیں کیسے حل کرے گا؟ اور جب تک ایسا نہیں ہوتا، ہم اِن سے کیسے نپٹ سکتے ہیں؟ اِس چھوٹی سی ویڈیو میں اِن سوالوں کے جواب دیے گئے ہیں۔“ اِس کے بعد وہ ویڈیو چلاتے ہیں اور صاحبِخانہ کے تاثرات کو دیکھتے ہیں۔ یہ ویڈیو اِتنی دلچسپ ہے کہ بہت سے لوگ اِس سے ایک پَل کے لیے بھی نظر نہیں ہٹاتے۔ پھر سفری نگہبان کہتے ہیں: ”آپ نے ابھی ابھی سنا کہ آپ بائبل کا مطالعہ کرنے کے لیے آنلائن درخواست کر سکتے ہیں۔ لیکن مَیں آپ کو ابھی یہ دِکھا سکتا ہوں کہ ہم بائبل کا مطالعہ کیسے کراتے ہیں۔“ اگر صاحبِخانہ راضی ہو جاتا ہے تو وہ اُسے دِکھاتے ہیں کہ ہم کتاب خوشخبری کے ذریعے مطالعہ کیسے کراتے ہیں۔ لیکن اگر اُس کے پاس وقت نہیں ہوتا تو سفری نگہبان یہ بندوبست بناتے ہیں کہ وہ اگلی ملاقات پر اُسے دِکھائیں گے کہ مطالعہ کیسے کرایا جاتا ہے۔ پھر جب وہ تھوڑا وقفہ لینے کے لیے کسی ہوٹل میں کافی پینے جاتے ہیں تو وہ اپنے پاس بیٹھے ہوئے شخص کے ساتھ باتچیت شروع کرتے ہیں اور پھر اُس کی توجہ ویڈیو پر دِلاتے ہیں۔ کیا آپ بھی مُنادی کے دوران ہماری ویبسائٹ jw.org کو بھرپور اِستعمال کر رہے ہیں؟