اپنی پیشکش کو حالات کے مطابق ڈھالیں — یہوواہ کے گواہوں کی آن لائن لائبریری

اپنی پیشکش کو حالات کے مطابق ڈھالیں

لوگوں میں ہماری حقیقی دلچسپی ہمیں اُنکی ضروریات کو سمجھنے اور اُن پر یہ واضح کرنے کی تحریک دیگی کہ خدا کی بادشاہت اُنکے مسائل کو ہمیشہ کیلئے ختم کریگی۔ (‏فل ۲:‏۴‏)‏ بہتیرے مبشر صاحبِ‌خانہ کو ہماری مطبوعات میں آنے والی فردوسی تصاویر پر تبصرہ کرنے کی دعوت دینے کو مؤثر رسائی پاتے ہیں۔ اسکی چند مثالیں اس صفحہ کے دوسرے کالم میں دی گئی ہیں۔ آپ ان تعارفات کو کچھ اسطرح استعمال کر سکتے ہیں:‏

▪ ”‏آپکے خیال میں کیا ہم کبھی انسانی خاندان کو اِس تصویر میں نظر آنے والی خوشگوار حالتوں سے لطف‌اندوز ہوتا دیکھ سکیں گے؟“‏

▪ ”‏ہم سب اپنے بچوں کو اس تصویر میں دکھائی جانے والی دُنیا سے لطف‌اندوز ہوتے دیکھنے کے خواہشمند ہیں۔ آپکے خیال میں ایسی دُنیا کے قیام کیلئے کس چیز کی ضرورت ہے؟“‏

▪ ”‏یہ تصویر ظاہر کرتی ہے کہ جب خدا کی مرضی آسمان کی طرح زمین پر بھی پوری ہوگی تو زمین کیسی ہوگی۔ کیا آپ نے کوئی ایسی بات نوٹ کی ہے جو آجکل کی زندگی سے فرق ہے؟“‏

▪ ”‏کیا آپ تصویر میں نظر آنے والی حالتوں کے تحت رہنا چاہینگے؟ [‏جواب دینے دیں۔]‏ آپکے خیال میں کیا ایسا وقت ہماری زندگی میں آئیگا؟“‏

صاحبِ‌خانہ کے جواب کو غور سے سننے کے بعد بڑی نرمی سے اسکے خیالات جاننے کیلئے مزید سوال پوچھیں۔‏ اگر کوئی شخص یہ کہتا ہے کہ وہ تصویر میں دکھائی جانے والی حالتوں کے تحت زندہ رہنا نہیں چاہتا یا وہ یہ سمجھتا ہے کہ ایسا ماحول ناممکن ہے تو جلدی سے اس نتیجے پر نہ پہنچ جائیں کہ یہ شخص دلچسپی نہیں رکھتا۔ موقع‌شناسی کیساتھ یہ معلوم کرنے کی کوشش کریں کہ وہ ایسا کیوں سوچتا ہے۔ اُنکے جواب نسلِ‌انسانی کے بظاہر حل نہ ہونے والے مسائل کے بارے میں اُنکی گہری فکرمندی کو ظاہر کر سکتے ہیں۔—‏حز ۹:‏۴۔‏

اگر آپ محسوس کرتے ہیں کہ صاحبِ‌خانہ کچھ پریشان ہے تو اپنی پیشکش کو اُسکی ضرورت کے مطابق ڈھالیں۔‏ بادشاہتی پیغام کے اُن حلقوں کو نمایاں کریں جو خاص طور پر اُسکی ضرورت کو پورا کرتے ہیں۔ ایک یا دو ایسے صحیفے پڑھیں جو اُسکی پریشانی سے متعلق ہیں۔ (‏دوسرے کالم میں دئے گئے مشوروں کو دیکھیں۔)‏ اُسے خود اس بات کا جائزہ لینے دیں کہ خدا کا کلام کیا فرماتا ہے۔ اگر وہ دلچسپی ظاہر کرتا ہے تو کوئی کتاب یا رسالہ پیش کریں اور دوبارہ ملنے کا بندوبست بنائیں۔ اسکی دلچسپی کو مزید بڑھائیں۔‏