کثرت سے بونا بڑی برکات لاتا ہے

^۱ ہم سب خدا کے کلام کے عظیم وعدوں کی تکمیل کے منتظر ہیں۔ یہوواہ اب بھی کئی برکات عطا کرنے سے ہماری زندگیوں میں خوشی کا اضافہ کرتا ہے۔ تاہم اس بات کا انحصار ہماری اپنی کوشش پر ہے کہ ہم کس حد تک ان سے استفادہ کرتے ہیں۔ پولس رسول کے بیان کے مطابق ”‏جو بہت بوتا ہے وہ بہت کاٹیگا۔“‏ (‏۲-‏کر ۹:‏۶‏)‏ ایسے دو حلقوں پر غور کریں جہاں اس اُصول کا اطلاق ہوتا ہے۔‏

^۲ ہماری ذاتی خدمتگزاری:‏ لوگوں کو خوشخبری کی گواہی دینے کی ہر ممکن کوشش کرنا کئی برکات پر منتج ہوتا ہے۔ (‏امثا ۳:‏۲۷، ۲۸‏)‏ قابلِ‌تعریف بات یہ ہے کہ کئی لوگ امدادی اور باقاعدہ پائنیر خدمت کے ذریعے خدمتگزاری میں زیادہ حصہ لینے سے زیادہ بوتے ہیں۔ ہم سب ظاہرکردہ دلچسپی کو بڑھانے کے لئے فرض‌شناسی سے واپسی ملاقات کرنے اور ہر مناسب موقع پر بائبل مطالعے کی پیشکش کرنے سے زیادہ بو سکتے ہیں۔ (‏روم ۱۲:‏۱۱‏)‏ ان طریقوں کے ذریعے بھرپور کوشش کرنا تقویت‌بخش تجربات اور خدمتگزاری میں اضافی خوشی کا باعث بنتا ہے۔‏

^۳ بادشاہتی مفادات کی حمایت کرنا:‏ پولس نے مالی عطیات کے سلسلے میں ’‏بہت بونے‘‏ کا ذکر کِیا۔ (‏۲-‏کر ۹:‏۶، ۷،‏ ۱۱،‏ ۱۳‏)‏ آجکل ہم جسمانی اور مادی لحاظ سے بادشاہتی مفادات کو فروغ دینے کے لئے بہت کچھ کر سکتے ہیں۔ ہم کنگڈم ہالز اور اسمبلی ہالز کی تعمیر میں مدد دے سکتے ہیں۔ ہم سچی پرستش کے ان مراکز کی صفائی‌ستھرائی اور دیکھ‌بھال میں حصہ لینے کے لئے بھی خود کو پیش کر سکتے ہیں۔ علاوہ‌ازیں، ہم مقامی کلیسیائی اخراجات اور بادشاہتی منادی اور شاگرد بنانے کے عالمگیر کام کیلئے عطیات بھی دے سکتے ہیں۔ جب ہم سب اپنا کردار ادا کرتے ہیں تو یہوواہ کی طرف سے تفویض‌کردہ اس کام پر اسکی کثیر برکت کو دیکھ کر بہت خوشی ہوتی ہے!‏—‏ملا ۳:‏۱۰؛‏ لو ۶:‏۳۸‏۔‏

^۴ خدا کا کلام ہمیں نصیحت کرتا ہے کہ ہم ”‏نیکی کریں اور اچھے کاموں میں دولتمند بنیں اور سخاوت پر تیار اور امداد پر مستعد ہوں۔“‏ اس نصیحت پر عمل کرنے سے ہم اب کثیر برکات سے استفادہ کرتے ہیں۔ اس کیساتھ ساتھ ہم ’‏آیندہ کیلئے اپنے واسطے ایک اچھی بنیاد قائم کرتے اور حقیقی زندگی پر قبضہ کرتے‘‏ ہیں۔—‏۱-‏تیم ۶:‏۱۸، ۱۹‏۔‏