شادی میں بکارت؟
یوسف سے شادی کے بعد بھی، مریم کی دائمی بکارت کے دعویٰ کو ہمآہنگ کرنے کی کوشش میں بہتیرے مُصوّروں اور مجسّمہسازوں نے یوسف کی ایک عمررسیدہ شخص کے طور پر تصویرکشی کی ہے۔ وہ استدلال کرتے ہیں کہ مریم کے لئے یوسف ایک شوہر سے زیادہ سرپرست کی حیثیت رکھتا تھا۔ مگر حال ہی میں، پوپ جان پال دوم نے معاملے کے متعلق ایک مختلف نقطۂنظر کی حمایت کی۔ اُس نے تجویز کِیا کہ یوسف ”اُس وقت عمررسیدہ شخص نہیں تھا۔“ بلکہ ”اُسکے اندرونی کمال، اُسکے خداداد ظرف نے اُسے میاں بیوی کے رشتے کے تحت مریم کیساتھ پاک الفت دکھانے کی ترغیب دی۔“
اگر مریم ہمیشہ کنواری ہی رہنے کا ارادہ رکھتی تھی تو اُس نے منگنی کیوں کی؟ ”یہ فرض کِیا جا سکتا ہے“ پوپ جواب دیتا ہے، ”کہ اپنی منگنی کے وقت ہی یوسف اور مریم نے باہمی اتفاق سے باکرہ رہنے کا منصوبہ بنا لیا تھا۔“
تاہم، بائبل معاملے کو مختلف زاویے سے بیان کرتی ہے۔ متی کا بیان ظاہر کرتا ہے کہ یوسف نے ”اُسکو نہ جانا جب تک اُسکے بیٹا نہ ہوا۔“ (متی ۱:۲۵، کیتھولک نیو امریکن بائبل، نسخ ہمارا ہے۔) یسوع کی پیدائش کے بعد، یوسف اور مریم کے ازدواجی بندھن میں بکارت کا عملدخل نہیں تھا۔ اِسکا ایک ثبوت تو یہ ہے کہ بعد کے انجیلی بیان میں، یسوع کے بہن بھائیوں کا ذکر ملتا ہے۔—متی ۱۳:۵۵، ۵۶۔
تاہم، بائبل اگرچہ بیان کرتی ہے کہ یسوع کی پیدائش کے وقت مریم کنواری تھی تو بھی یہ دعویٰ کرنے کیلئے کوئی بنیاد نہیں کہ اُس نے یوسف کیساتھ اپنی باقی تمام زندگی ایک کنواری کے طور پر گزاری۔