‏’‏کیا خدا کی نظر میں میری اہمیت ہے؟‘‏

‏”‏کیا میری اہمیت ہے؟ کیا خدا پرواہ کرتا ہے؟“‏ کرسچینٹی ٹوڈے میں شائع ہونے والے مضمون کا عنوان اسطرح تھا۔ مضمون کا مصنف، فلپؔ یانسی بیان کرتا ہے کہ ”‏ایک مصنف کے طور پر میری زیادہ‌تر زندگی کا محور ذہنی کوفت کا مسئلہ ہے مَیں انہی سوالات کی طرف بار بار آتا ہوں بالکل اُسی طرح جیسے ٹھیک نہ ہونے والے پُرانے زخم کو کھرچا جاتا ہے۔ اپنی کتابوں کے قارئین کی زبانی مَیں سنتا ہوں اُنکی کرب‌انگیز کہانیاں میرے شکوک کو حقیقت کا رنگ دے دیتی ہیں۔“‏

شاید آپ نے بھی اپنی زندگی میں خدا کی دلچسپی کی بابت سوچا ہو۔ اور ہاں، شاید آپ یوحنا ۳:‏۱۶ سے واقف ہوں، جو بیان کرتی ہے کہ ”‏خدا نے دُنیا سے ایسی محبت رکھی کہ اُس نے اپنا اکلوتا بیٹا بخش دیا۔“‏ یا شاید آپ نے متی ۲۰:‏۲۸ کو پڑھا ہو جو کہتی ہے کہ یسوؔع ”‏اپنی زندگی بہتیروں کے بدلے فدیہ میں“‏ دینے کیلئے آیا۔ پھربھی شاید آپ پوچھیں، ’‏کیا خدا مجھ پر توجہ کرتا ہے؟ کیا وہ ایک فرد کے طور پر میری پرواہ کرتا ہے؟‘‏ یہ یقین کرنے کی معقول وجہ ہے کہ وہ کرتا ہے، جیسے‌کہ ہم دیکھینگے۔ (‏۳ ۰۳/۰۱ w۹۶)‏