گیت نمبر 59
میرے ساتھ یاہ کی حمد کرو!
(زبور 146:2)
1. یاہ کی کرو حمد میرے ساتھ
دیتا ہے زندگی، بھرتا ہے ہاتھ
وہ ہے شفیق، وہ ہے رحیم
ہر دن، ہر رات کریں اُس کی تعظیم
اُس کی بزرگی ہم کریں تسلیم
2. یاہ کی کرو حمد میرے ساتھ
سنتا ہے ہر بشر کی مُناجات
سخی ہے وہ، قوی ہے وہ
طاقت وہ دیتا ہے کم زوروں کو
روز اُس کی قوت کا چرچا کرو
3. یاہ کی کرو حمد میرے ساتھ
قابلِ بھروسا اور نیک اُس کی ذات
عادل ہے وہ، منصف ہے وہ
جلد ہی مٹا دے گا وہ بدی کو
جوش سے یہوواہ کی ثنا کرو
(زبور 94:18، 19؛ 145:21؛ 147:1؛ 150:2؛ اعما 17:25 کو بھی دیکھیں۔)