گیت نمبر 15
یہوواہ کے پہلوٹھے کی حمد کریں!
(عبرانیوں 1:6)
1. حمد کریں سب اُس کی
جو یاہ کا پہلوٹھا ہے
صداقت اور سچائی سے
بادشاہت وہ کرتا ہے
خدا کے نام کی عزت
کا خواہشمند ہے وہ
ٹھہرائے گا پاک اِس کو
کہ یاہ کی شہرت ہو
وہ پہلوٹھا یاہ کا
تعظیم اُس کی ہو سدا
وہ بیٹھ گیا ہے تخت پہ
خیرمقدم کریں اُس کا
2. حمد کریں مسیح کی
قربان کر دی جان اُس نے
نجات دِلائی ہم کو
گُناہ کی غلامی سے
تیار ہے اُس کی دُلہن
اب شادی کے لیے
نام یاہ کا پاک ٹھہرے گا
مسیح کی شادی سے
وہ پہلوٹھا یاہ کا
تعظیم اُس کی ہو سدا
وہ بیٹھ گیا ہے تخت پہ
خیرمقدم کریں اُس کا
(زبور 2:6؛ 45:3، 4؛ مکا 19:8 کو بھی دیکھیں۔)