ایک نئی دُنیا

خدا کا کلام بیان کرتا ہے کہ ”‏خدا کے وعدہ کے موافق ہم نئے آسمان اور نئی زمین کا انتظار کرتے ہیں جن میں راستبازی بسی رہیگی۔“‏—‏۲-‏پطرس ۳:‏۱۳‏۔‏

‏”‏نئے آسمان“‏ کا مطلب کیا ہے؟ ”‏نئے آسمان“‏ سے مُراد یہوواہ خدا کی وہ نئی حکومت ہے جو زمین پر حکمرانی کرے گی۔ (‏اعمال ۷:‏۴۹‏)‏ یہ اِسلئے نئی ہے کیونکہ یہ موجودہ حکومتوں کو ختم کرکے اُنکی جگہ لیگی۔ یہ آسمان سے زمین پر رہنے والے سب لوگوں پر حکومت کریگی۔ یسوع کی طرح ہمیں بھی یہوواہ کی حکومت کے آنے کیلئے دُعا کرنی چاہئے۔ (‏متی ۶:‏۱۰‏)‏ اِس حکومت کو وجود میں لانے والا خدا ہے۔ لہٰذا اِسے ”‏آسمان کی بادشاہی“‏ کہا جاتا ہے۔—‏متی ۷:‏۲۱‏۔‏

‏”‏نئی زمین“‏ کیا ہے؟ جیسے آسمان کے نیچے زمین ہے اُسی طرح یہوواہ کی نئی حکومت کے تحت ایک نیا معاشرہ ہوگا۔ اِس معاشرے کو نئی زمین کہا گیا ہے کیونکہ اِس میں شریر اور بدکار لوگ نہیں ہونگے۔ (‏امثال ۲:‏۲۱، ۲۲‏)‏ سب لوگ یہوواہ خدا ہی کی عبادت کرینگے۔ (‏زبور ۲۲:‏۲۷‏)‏ اِس معاشرے میں شامل ہونے کیلئے آجکل دُنیا کی سبھی قوموں کے لوگوں کو بلا‌یا جا رہا ہے۔ کیا آپ اُس نئی دُنیا میں رہنا چاہینگے؟‏

کیا آپ یہوواہ سے اِسقدر محبت رکھتے ہیں کہ آپ اُس کے تمام حکموں کو ماننے کیلئے تیار ہیں؟ (‏۱-‏یوحنا ۵:‏۳‏)‏ کیا آپ اپنے گھر میں، کام کی جگہ یا سکول میں اور اپنے طرزِزندگی سے خدا کے حکموں کیلئے فرمانبرداری ظاہر کرتے ہیں؟‏

کیا آپ یہوواہ کے گواہوں کیساتھ ملکر یہوواہ کی عبادت کر رہے ہیں؟ اگر آپ آج سے ایسا کرینگے تو نئی دُنیا میں سب قوموں کے لوگوں کیساتھ ملکر آپ ہمیشہ یہوواہ خدا کی خدمت کر سکیں گے۔—‏زبور ۸۶:‏۹، ۱۰؛‏ یسعیاہ ۲:‏۲-‏۴؛‏ صفنیاہ ۳:‏۹۔‏

‏[‏صفحہ ۱۷ پر بکس]‏

سچا خدا کون ہے؟‏

یہوواہ ہی اِس جہان کا خالق ہے۔ اِسلئے یسوع نے کہا کہ یہوواہ ”‏خدایِ‌واحد اور برحق“‏ ہے۔—‏یوحنا ۱۷:‏۳‏۔‏

آجکل کروڑوں لوگ ہاتھ کے بنائے ہوئے دیوی دیوتاؤں کی پرستش کرتے ہیں۔ کئی لوگ پیسے کی پرستش کرتے ہیں۔ اسکے علاوہ، کئی لوگ الگ الگ تہذیبوں اور فلسفوں پر بھروسا رکھتے ہیں۔ کئی لوگ تو بائبل پر ایمان رکھنے کا دعویٰ کرتے ہیں مگر سچے خدا یہوواہ کا نام تک نہیں جانتے۔—‏استثنا ۴:‏۳۵۔‏

خدا نے خود کہا:‏ ”‏یہوؔواہ مَیں ہوں۔ یہی میرا نام ہے۔“‏ (‏یسعیاہ ۴۲:‏۵،‏ ۸‏)‏ یہ نام بائبل کی اصلی زبان میں کوئی ۷،۰۰۰ مرتبہ استعمال ہوا ہے۔ اِسلئے یسوع مسیح نے کہا:‏ ”‏اَے ہمارے باپ تُو جو آسمان پر ہے تیرا نام پاک مانا جائے۔“‏—‏متی ۶:‏۹‏۔‏

یہوواہ ”‏خدایِ‌رحیم مہربان اور قہر کرنے میں دھیما اور شفقت اور وفا میں غنی“‏ ہے۔ وہ شریر لوگوں کو اُنکے کاموں کا ضرور بدلہ دیگا۔ (‏خروج ۳۴:‏۶، ۷)‏ بائبل تفصیل کیساتھ یہوواہ خدا کی خوبیوں کا بیان کرتی ہے۔‏

ہمیں صرف یہوواہ خدا کی عبادت کرنی چاہئے کیونکہ وہی سچا خدا ہے۔ کیا آپ ایسا کر رہے ہیں؟‏

‏[‏صفحہ ۱۸ پر بکس/‏تصویر]‏

فردوس میں زندگی

‏[‏صفحہ ۱۹ پر بکس/‏تصویر]‏

اب فیصلہ آپ کے ہاتھ میں

خدا جھوٹ نہیں بول سکتا!‏—‏ططس ۱:‏۲‏۔‏

یہوواہ فرماتا ہے:‏ ”‏میرا کلام .‏ .‏ .‏ بے‌انجام میرے پاس واپس نہ آئیگا بلکہ جوکچھ میری خواہش ہوگی وہ اُسے پورا کریگا اور اُس کام میں جس کیلئے مَیں نے اُسے بھیجا مؤثر ہوگا۔“‏—‏یسعیاہ ۵۵:‏۱۱‏۔‏

یہوواہ کی نئی حکومت نے آسمان سے حکمرانی کرنا شروع کر دیا ہے اور نئے معاشرہ کے لوگ اب اکٹھے کئے جا رہے ہیں۔‏

نئی دُنیا میں برکتوں کی برسات ہوگی۔ یہوواہ فرماتا ہے:‏ ”‏دیکھ مَیں سب چیزوں کو نیا بنا دیتا ہوں۔ لکھ لے کیونکہ یہ باتیں سچ اور برحق ہیں۔“‏—‏مکاشفہ ۲۱:‏۱،‏ ۵‏۔‏

اب سوال یہ ہے کہ نئی دُنیا میں رہنے اور یہوواہ کی خدمت کرنے کیلئے کیا آپ اپنی زندگی میں ضروری تبدیلیاں پیدا کر رہے ہیں؟ یہ آپ کے ہاتھ میں ہے۔‏