عطر کے مختلف اَدوار
میکسیکو سے جاگو! کا رائٹر
عطر کی تاریخ بڑی پُرانی ہے۔ عطر بنانے کی ابتدا مذہبی تقریبات میں خوشبو کیلئے گوند اور بیروزہ جلانے سے ہوئی تھی۔ لفظ عطر ”پرفیوم“ لاطینی پرفیومم سے مشتق ہے جسکا مطلب ”دھوئیں سے“ ہے۔ عطر کا ابتدائی ریکارڈ مصر سے ملتا ہے۔ جب فرعون توتعنخآمون کا مقبرہ کھولا گیا تو اُس میں سے عطر کے ۳،۰۰۰ مرتبان نکلے جن میں سے ۳۰ صدیوں بعد ابھی تک خوشبو آ رہی تھی!
پندرہ سو سال قبلازسمٰعیلیعام اسرائیلی کاہنوں کے استعمال میں آنے والے مسح کے مُقدس تیل کیلئے دئے گئے الہٰی فارمولے میں ”خاصخاص خوشبودار“ مصالحے شامل تھے۔ (خروج ۳۰:۲۳-۳۳) عبرانی لوگ زیبائشی اور طبّی مقاصد کے علاوہ تدفین کے وقت دافع عفونت اور دافع جراثیم کے طور پر بھی خوشبودار روغن استعمال کرتے تھے۔ مثال کے طور پر، عورتیں خوشبودار چیزیں اور عطر یسوع کی لاش پر لگانے کے لئے لیکر گئی تھیں۔ (لوقا ۲۳:۵۶؛ ۲۴:۱) اسرائیلی گھروں میں کسی مہمان کے پاؤں پر خوشبودار تیل ملنا مہماننوازی سمجھا جاتا تھا۔—لوقا ۷:۳۷-۴۶۔
پہلی صدی میں، روم ۲،۸۰۰ ٹن لبان اور ۵۵۰ ٹن مُر سالانہ استعمال کرتا تھا۔ جب یسوع بہت چھوٹا تھا تو ایسی ہی خوشبودار چیزیں اُسے بطور تحفہ دی گئی تھیں۔ (متی ۲:۱، ۱۱) ایک خیال کے مطابق ۵۴ س.ع. میں رومی شہنشاہ نیرو نے اپنی ضیافت کیلئے عطریات پر ۱،۰۰،۰۰۰ ڈالر خرچ کر دئے تھے۔ اُسکے کھانے کے کمروں میں پوشیدہ پائپ سے مہمانوں پر خوشبودار پانی سپرے کِیا گیا تھا۔ سترھویں صدی س.ع. سے چینی لوگوں نے مختلف خوشبویات استعمال کرنا شروع کر دی تھیں جن میں خوشبودار ساشے شامل تھے۔ قرونِوسطیٰ کے دوران، اسلامی تہذیب میں بھی عطریات کا استعمال ہوتا تھا اور گلاب کے عطر کو خاص اہمیت حاصل تھی۔
عطر کی صنعت ۱۷ ویں صدی کے دوران فرانس میں اتنی مقبول ہو گئی کہ لوئیس پانزدہم کا دربار عطری دربار کہلانے لگا۔ عطر صرف جِلد پر ہی نہیں بلکہ دستانوں، پنکھوں اور فرنیچر پر بھی لگایا جاتا تھا۔
کلون ۱۸ ویں صدی میں ایجاد ہوا اور نہانے کے پانی میں استعمال ہونے کے علاوہ مے میں بھی ملایا جاتا تھا، ماؤتھواش کے طور پر چینی کی ڈلیوں کیساتھ کھایا جاتا تھا اور طبّی میدان میں انیمے اور مرہم میں بھی استعمال ہوتا تھا۔ اِسکے بعد ۱۹ ویں صدی میں، بناوٹی خوشبویات بھی ایجاد ہونے لگیں۔ لہٰذا، پہلی مرتبہ طبّی اعتبار سے غیرموزوں عطریات فروخت ہونے لگے۔ آجکل پرفیومسازی [عطر نکالنے] کی صنعت اربوں ڈالر کا کاروبار کرتی ہے۔a
[فٹنوٹ]
a عطر [پرفیوم] سے الرجی کا مسئلہ اویک! اگست ۸، ۲۰۰۰ کے شمارے میں زلیصفنبحث آ چکا ہے۔
[صفحہ ۳۱ پر تصویر]
مصر، توتعنخآمون کے مقبرے سے عطر کا مرتبان، ۱۴ ویں صدی ق.س.ع.
[تصویر کا حوالہ]
Werner Forman/Egyptian Museum, Cairo, Egypt/Art Resource, NY
[صفحہ ۳۱ پر تصویر]
یونان، ۵ ویں صدی ق.س.ع.
[تصویر کا حوالہ]
Musée du Louvre, Paris
[صفحہ ۳۱ پر تصویر]
فرانس، ۱۸ ویں صدی س.ع.
[تصویر کا حوالہ]
,Avec lʹaimable autorisation du Musée de la Parfumerie Fragonard
Paris
[صفحہ ۳۱ پر تصویر]
پرفیوم کی جدید بوتل