یرمیاہ

31 یہوواہ فرماتا ہے:‏ ”‏اُس وقت مَیں اِسرائیل کے سارے گھرانوں کا خدا بنوں گا اور وہ میرے بندے بنیں گے۔“‏

 2 یہوواہ فرماتا ہے:‏ ”‏جب اِسرائیل اپنی آرام‌گاہ کی طرف جا رہا تھا

تو تلوار سے بچ جانے والے لوگوں کو ویرانے میں میری خوشنودی حاصل ہوئی۔“‏

 3 یہوواہ دُور سے مجھ پر ظاہر ہوا اور کہا:‏

‏”‏مَیں نے تجھ سے محبت کی ہے، ایسی محبت جو ہمیشہ قائم رہتی ہے۔‏

اِسی لیے مَیں نے اٹوٹ محبت سے تجھے اپنے پاس کھینچ لیا ہے۔‏*‏

 4 اَے اِسرائیل کی کنواری!‏ مَیں تجھے پھر سے بحال کروں گا اور تُو بحال ہو جائے گی۔‏

تُو دوبارہ سے اپنے دف لے گی اور خوشی سے ناچتی ہوئی جائے گی۔‏*‏

 6 کیونکہ وہ دن آئے گا جب اِفرائیم کے پہاڑوں پر پہرےدار یہ آواز لگائیں گے:‏

‏”‏اُٹھو، صِیّون پر اپنے خدا یہوواہ کے پاس چلیں“‏“‏

 7 کیونکہ یہوواہ فرماتا ہے:‏

‏”‏یعقوب کے لیے خوشی سے گاؤ۔‏

خوشی سے للکارو کیونکہ تُم قوموں کے رہنما ہو۔‏

 8 مَیں اُنہیں شمال کے ملک سے واپس لاؤں گا۔‏

مَیں اُنہیں زمین کے دُوردراز علاقوں سے اِکٹھا کروں گا۔‏

وہ ایک بڑی جماعت کے طور پر یہاں لوٹیں گے۔‏

 9 وہ روتے ہوئے آئیں گے۔‏

جب وہ مہربانی کی بھیک مانگیں گے تو مَیں اُن کی پیشوائی کروں گا۔‏

کیونکہ مَیں اِسرائیل کا باپ ہوں اور اِفرائیم میرا پہلوٹھا ہے۔“‏

‏”‏جس نے اِسرائیل کو تتربتر کِیا تھا، وہی اُسے اِکٹھا کرے گا۔‏

وہ اُس کا ویسے ہی خیال رکھے گا جیسے ایک چرواہا اپنے گلّے کا رکھتا ہے

اور وہ پھر کبھی نہیں مُرجھائیں گے۔“‏

مَیں اُن کے ماتم کو جشن میں بدل دوں گا۔‏

مَیں اُنہیں تسلی دوں گا اور اُن کے غم کو دُور کر کے اُنہیں خوشی بخشوں گا۔‏

15 ‏”‏یہوواہ فرماتا ہے:‏ ”‏رامہ میں ماتم کرنے اور زارزار رونے کی آواز سنائی دے رہی ہے؛‏

راخل اپنے بیٹوں*‏ کے لیے رو رہی ہے۔‏

وہ اپنے بیٹوں کے حوالے سے تسلی قبول کرنے کو تیار نہیں ہے

کیونکہ وہ اب نہیں رہے۔“‏“‏

16 یہوواہ فرماتا ہے:‏

وہ دُشمن کے ملک سے لوٹیں گے۔“‏ یہ بات یہوواہ نے فرمائی ہے۔‏

17 یہوواہ فرماتا ہے:‏ ”‏تمہارے مستقبل کے لیے ایک اُمید ہے۔‏

تمہارے بیٹے اپنے علاقے میں لوٹیں گے۔“‏“‏

20 یہوواہ فرماتا ہے:‏ ”‏کیا اِفرائیم میرا انمول اور پیارا بیٹا نہیں ہے؟‏

کیونکہ مَیں جب بھی اُس کے خلاف بولتا ہوں، مَیں اُسے یاد بھی کرتا ہوں۔‏

اِس لیے اُس کے لیے میرے جذبات*‏ جوش مار رہے ہیں

اور مَیں ضرور اُس پر ترس کھاؤں گا۔“‏

اَے اِسرائیل کی کنواری!‏ لوٹ آ؛ اپنے اِن شہروں میں لوٹ آ۔‏

22 اَے بے‌وفا بیٹی!‏ تُو کب تک بھٹکتی پھرے گی؟‏

کیونکہ یہوواہ نے زمین پر کچھ نیا کِیا*‏ ہے؛‏

ایک عورت بے‌تابی سے ایک آدمی کے پیچھے جائے گی۔“‏

23 فوجوں کا خدا یہوواہ جو اِسرائیل کا خدا ہے، فرماتا ہے:‏ ”‏جب مَیں اُن لوگوں کو واپس لاؤں گا جنہیں قیدی بنا کر لے جایا گیا ہے تو وہ یہوداہ کے ملک اور اُس کے شہروں میں پھر سے یہ کہیں گے:‏ ”‏اَے نیک رہائش‌گاہ!‏ اَے مُقدس پہاڑ!‏ یہوواہ تجھے برکت دے۔“‏ 24 یہوداہ اور اُس کے سب شہر یہاں آباد ہوں گے۔ کسان اور گلّوں کی پیشوائی کرنے والے سب ساتھ رہیں گے۔ 25 مَیں تھکے ہارے شخص*‏ کو تازہ‌دم کروں گا اور ہر کمزور شخص*‏ کو سیر کروں گا۔“‏

26 اِس پر مَیں جاگ گیا اور اپنی آنکھیں کھولیں۔ میری نیند بہت میٹھی تھی۔‏

27 یہوواہ فرماتا ہے:‏ ”‏دیکھو!‏ وہ دن آ رہے ہیں جب مَیں اِسرائیل کے گھرانے اور یہوداہ کے گھرانے میں اِنسان کا بیج*‏ اور مویشیوں کا بیج بوؤں گا۔“‏

28 یہوواہ فرماتا ہے:‏ ”‏جیسے مَیں نے اُن پر نظر رکھی تاکہ اُنہیں جڑ سے اُکھاڑوں، گِراؤں، ڈھاؤں، تباہ کروں اور نقصان پہنچاؤں ویسے ہی مَیں اُن پر نظر رکھوں گا تاکہ اُنہیں بناؤں اور لگاؤں۔ 29 اُن دنوں میں لوگ پھر یہ نہیں کہیں گے:‏ ”‏باپ‌دادا نے کھٹے انگور کھائے لیکن دانت بیٹوں کے کھٹے ہوئے“‏ 30 بلکہ تب ہر شخص اپنی ہی غلطی کی وجہ سے مرے گا۔ جو شخص کھٹے انگور کھائے گا اُسی کے دانت کھٹے ہوں گے۔“‏

31 یہوواہ فرماتا ہے:‏ ”‏دیکھو!‏ وہ دن آ رہے ہیں جب مَیں اِسرائیل کے گھرانے اور یہوداہ کے گھرانے سے ایک نیا عہد باندھوں گا۔ 32 یہ اُس عہد کی طرح نہیں ہوگا جو مَیں نے اُن کے باپ‌دادا سے اُس دن باندھا جس دن مَیں نے اُن کا ہاتھ تھاما تاکہ اُنہیں ملک مصر سے نکال لاؤں۔ یہوواہ فرماتا ہے:‏ ”‏حالانکہ مَیں اُن کا اصلی مالک*‏ تھا لیکن اُنہوں نے میرا عہد توڑ دیا۔“‏“‏

33 یہوواہ فرماتا ہے:‏ ”‏کیونکہ اُن دنوں کے بعد مَیں اِسرائیل کے گھرانے سے یہ عہد باندھوں گا:‏ مَیں اپنی شریعت اُن کے اندر ڈالوں گا اور اِسے اُن کے دل پر لکھوں گا۔ مَیں اُن کا خدا بنوں گا اور وہ میری قوم بنیں گے۔“‏

34 یہوواہ فرماتا ہے:‏ ”‏پھر اُن میں سے کوئی بھی کبھی اپنے پڑوسی اور اپنے بھائی کو یہ تعلیم نہیں دے گا:‏ ”‏یہوواہ کو جانو!‏“‏ کیونکہ وہ سب مجھے جانیں گے، ہاں، چھوٹے سے لے کر بڑے تک سب کیونکہ مَیں اُن کی غلطی معاف کر دوں گا اور اُن کے گُناہ کو پھر کبھی یاد نہیں کروں گا۔“‏

37 یہوواہ فرماتا ہے:‏ ”‏”‏اگر آسمان کو ناپا جا سکتا ہے اور زمین کی بنیادوں کا پتہ لگایا جا سکتا ہے تو پھر ہی مَیں اِسرائیل کی ساری اولاد کو اُس کے کاموں کی وجہ سے رد کر سکتا ہوں۔“‏ یہ بات یہوواہ نے فرمائی ہے۔“‏

38 یہوواہ فرماتا ہے:‏ ”‏دیکھو!‏ وہ دن آ رہے ہیں جب حنن‌ایل کے بُرج سے کونے کے دروازے تک یہ شہر یہوواہ کے لیے بنایا جائے گا۔ 39 وہاں سے ناپنے کی ڈوری سیدھی جریب کی پہاڑی تک جائے گی اور وہاں سے جوعہ کی طرف مُڑ جائے گی۔ 40 لاشوں اور راکھ*‏ کی ساری وادی، وادیِ‌قِدرون تک کی ساری ڈھلانیں اور مشرق کی طرف گھوڑا دروازے کے کونے تک کا سارا علاقہ یہوواہ کے لیے پاک ہوگا۔ اُسے پھر کبھی اُکھاڑا یا ڈھایا نہیں جائے گا۔“‏