زبور

126 جب یہوواہ صِیّون کے لوگوں کو غلامی سے واپس لایا

تو ہمیں لگا کہ ہم خواب دیکھ رہے ہیں۔‏

 2 اُس وقت ہم کِھلکھلا کر ہنسنے لگے

اور ہماری زبان خوشی سے للکارنے لگی۔‏

 3 یہوواہ نے ہمارے لیے بڑے بڑے کام کیے ہیں

اِس لیے ہماری خوشی کی اِنتہا نہیں!‏

 4 اَے یہوواہ!‏ ہمارے غلاموں کو ویسے ہی واپس لا*‏

جیسے نِجِب کی ندیاں*‏ بارش کے پانی سے دوبارہ بھر جاتی ہیں۔‏

 5 جو آنسو بہاتے ہوئے بیج بوتے ہیں،‏

وہ خوشی سے للکارتے ہوئے کٹائی کریں گے۔‏

 6 جو روتے ہوئے بیج کا تھیلا اُٹھا کر کھیت میں جاتا ہے،‏

وہ یقیناً خوشی سے للکارتے ہوئے فصل کے گٹھے اُٹھائے لوٹے گا۔‏