O te Atua anei te tumu o te mauiui?

Te pahonoraa a te Bibilia

Te pahono papu ra te Bibilia, aita. Aita te Atua ra o Iehova i opua ia mauiui te huitaata. Eaha ïa tei tupu? Ua orure hau to tatou na metua matamua i te Atua ma te faaoti eaha te mea maitai e te mea ino no raua. Aita raua i hinaaro e faaroo i te Atua, te tumu ïa raua i mauiui ai i muri iho.

I teie mahana, te ooti ra tatou i te mau faahopearaa ino o ta raua faaotiraa. No reira, e ere roa ˈtu te Atua te tumu o te mauiui.

Te na ô ra te Bibilia: “I roto i te ati, eiaha roa e parau: ‘Te faahemahia ra vau e te Atua.’ Eita hoi te Atua e hema i te mau mea iino, eita atoa oia e faahema i te taata.” (Iakobo 1:13) E nehenehe te taata atoa e mauiui, tae noa ˈtu i te feia ta te Atua e here ra.