Mea ino anei ia faaohipa te mau Kerisetiano i te mau ravea no te faataime i te fanauraa?

Te pahonoraa a te Bibilia

Aita Iesu i faaue i ta ˈna mau pǐpǐ ia fanau i te tamarii aore ra aita. Aita atoa te mau pǐpǐ a Iesu i faaue ia na reira. Aita te Bibilia e parau aore ra e faaue ia faataime i te fanauraa. I roto i tera tupuraa, e tauturu teie faaueraa i roto i te Roma 14:12 i te mau Kerisetiano: “No reira, e haava ïa te Atua ia tatou tataitahi ia au i ta tatou mau ohipa.”

Na te mau hoa faaipoipo tataitahi e faaoti ia fanau anei ratou i te tamarii aore ra aita. Na ratou atoa e faaoti ehia tamarii ta ratou e afea e fanau ai. Mai te peu e e maiti te hoê tane aore ra hoê vahine ia faaohipa i te hoê ravea, eiaha râ no te haapohe i te huero ovahine i tôhia, no te faataime râ i te fanau, na raua e faaoti e e amo i te hopoia. Eiaha roa ˈtu tatou e haava ia raua.—Roma 14:4, 10-13.