O te Diabolo anei te tumu o te mau mauiui atoa?

Te pahonoraa a te Bibilia

Te faaite ra te Bibilia e te vai mau ra te Diabolo ra o Satani. Mai te hoê aratai ino mau, te hinaaro ra o ˈna ia tupu to ˈna hinaaro ma te faaohipa i “te tapao . . . haavare” e “ma te parau-tia ore e te haavare atoa.” Inaha, te parau ra te Bibilia: “O Satani hoi o te faahua noa nei ia ˈna ei melahi no te maramarama.” (Tesalonia 2, 2:9, 10; Korinetia 2, 11:14) E ite ïa tatou e te vai mau ra te Diabolo na roto i te mauiui ta ˈna e faatupu ra.

Tera râ, e ere te Diabolo te tumu o te mau mauiui atoa. No te aha? Ua poiete te Atua i te taata ma te horoa ia ratou i te tiamâraa e maiti i te rave i te mea maitai aore ra i te mea ino. (Iosua 24:15) Ia rave anaˈe tatou i te faaotiraa ino, e ooti ïa tatou i te mau faahopearaa ino.—Galatia 6:7, 8.