E faaore Iesu i te tamaˈi

I nia i te fenua, ua faaite Iesu i to ˈna here rahi i te taata e ua tae roa oia i te horoa i to ˈna ora no ratou. (Mataio 20:28; Ioane 15:13) Ei Arii o te Faatereraa arii a te Atua, e haapapu â Iesu i to ˈna here i te taata ma te faaore i “te mau tamaˈi ati aˈe i te fenua.”—Salamo 46:9.

A tapao na e nafea te Bibilia e faataa ˈi i ta Iesu e rave:

• “E faaora hoi oia i te taata veve o te hinaaro ra i te tauturu, oia atoa i te taata haihai e te taata aita e tauturu. E aroha oia i te taata haihai e te veve, e e faaora oia i te feia veve. E faaora oia ia ratou i te haavîraa e te hamani-ino-raa.”—Salamo 72:12-14.

E nafea tatou e faaite ai i to tatou mauruuru no ta Iesu i rave e e rave â no tatou? Hoê ravea, o te haapiiraa ïa no nia i “te parau apî oaoa o te Faatereraa arii a te Atua,” o te poroi hoi ta Iesu i faaite haere. (Luka 4:43) A taio i te tumu parau “Eaha te Basileia o te Atua?”