E faaore Iesu i te veve

I nia i te fenua, ua faaite Iesu i to ˈna here rahi i te taata, i te feia veve iho â râ e te hepohepo ra. (Mataio 9:36) Ua tae roa oia i te horoa i to ˈna ora. (Mataio 20:28; Ioane 15:13) Ei Arii o te Basileia o te Atua, oia hoi te Faatereraa arii a te Atua, e haapapu â Iesu i to ˈna here i te taata ma te faaore i te veve na te ao atoa nei.

Ma te parau nehenehe, te faataa ra te Bibilia i ta Iesu e rave:

• “Ia paruru oia i te feia haihai i rotopu i te nunaa, ia faaora oia i te mau tamaiti a te taata veve.”—Salamo 72:4.

E nafea tatou e faaite ai i to tatou mauruuru no ta Iesu i rave e e rave â no tatou? Hoê o te ravea, o te haapiiraa ïa no nia i “te parau apî oaoa o te Faatereraa arii a te Atua,” te poroi ta ˈna i poro. (Luka 4:43) A taio i te tumu parau “Eaha te Basileia o te Atua?”