Faanahohia no te poro i te mau taata atoa

Mai ta ˈna i rave i nia i te mau Iseraela, te faanaho atoa nei Iehova i to ˈna nunaa i teie mahana, ia nehenehe ratou e rave i to ˈna hinaaro. Na te ao nei, te ohipa amui ra te mau amaa, te mau tuhaa haaati, te mau amuiraa e te mau pǔpǔ no te pororaa, ia nehenehe te parau apî oaoa e porohia. Te poro nei tatou i te mau taata atoa noa ˈtu e reo ê to ratou.—Apo 14:6, 7.

Ua feruri anei oe e haapii i te tahi atu reo no te tauturu i te hoê taata ia ite i te parau mau? Aita paha e taime to oe no te haapii i te hoê reo apî. E nehenehe oe e faaohipa i te ravea roro uira JW Language no te haapii mai i te tahi hiˈoraa no te aparauraa. I muri aˈe i te faaohiparaa i te reira i roto i te pororaa, hoê â paha to oe oaoa i to te mau taeae o te senekele matamua. Ua oaoa ratou a ite ai e ua maere roa te mau taata no te mau fenua ê i te faaroo “i te mau mea faahiahia a te Atua” na roto i to ratou iho reo.—Ohi 2:7-11.

A MATAITAI I TE VIDEO A RIRO EI HOA NO IEHOVA: A PORO NA ROTO I TE HOÊ REO Ê, E A PAHONO I TO MURI NEI MAU UIRAA:

• 

  I roto i teihea mau tupuraa e nehenehe ai te ravea roro uira JW Language e tauturu ia oe?

• 

  Eaha te tahi mau tuhaa o teie ravea roro uira?

• 

  Eaha te mau reo paraparauhia i roto i ta oe tuhaa fenua?

• Eaha te mea faufaa ia rave mai te peu te anaanatae ra te hoê taata e reo ê to ˈna?—od-F 100-101 par. 39-41