ORARAA KERISETIANO
Ia aravihi atu â i roto i te taviniraa: Ma te farerei i te taata atoa o ta tatou tuhaa fenua
NO TE AHA E MEA FAUFAA ˈI? Ua tohu Zekaria e e farii te taata no roto mai i te mau reo atoa o te mau nunaa i te parau apî oaoa. (Zek 8:23) Na vai râ e haapii ia ratou? (Ro 10:13-15) E hopoia taa ê ta tatou i te faaiteraa i te parau apî oaoa i te taata atoa o ta tatou tuhaa fenua.—od-F 84 par. 10-11.
NAFEA ÏA?
A faaineine. Te farerei ra paha oe i te taata o te paraparau ra i te tahi atu reo? A faaohipa i te JW Language no te haapii i te hoê faaiteraa ohie. Aore ra na nia i ta oe matini roro uira afaifai, a faaite i te hoê taata e nafea ia ite hau atu â na roto i to ˈna reo i nia jw.org
A faaite i te poroi i te taata atoa. Ia poro oe i tera e tera fare, a tutava i te faaite i te poroi i te feia e hahaere ra aore ra i te feia e tiai ra i roto i te pereoo. Mai te peu tei roto oe i te pororaa i te vahi taata, eiaha e haamoˈe i ta oe fa e faaite i te poroi
A tutava i te imi i te taata. A tamata i te hoˈi e farerei i te feia aita ratou i te fare i te taime matamua. A tutava i te farerei i te hoê taata i te mau fare atoa, peneiaˈe i te tahi atu taime o te mahana, aore ra i te tahi atu mahana o te hebedoma. E nehenehe tatou e faaite i te poroi i te tahi mau fatu fare maoti te rata, te niuniu paraparau aore ra i roto i te pororaa na te mau aroâ
A tamau i te hoˈi e farerei ia ratou. A hoˈi oioi e farerei i te feia o tei faaite i te anaanatae. Mai te peu e paraparau tera taata i te tahi atu reo, a imi i te hoê taata aravihi no te tauturu ia ˈna na roto i to ˈna reo. Mea titauhia ia tamau oe i te taniuniu i tera taata e tae roa i te taime e haere ai te tahi feia poro o te paraparau i to ˈna reo e farerei ia ˈna.—od-F 94 par. 39-40
A MATAITAI I TE VIDEO PORO I “TE VAHI ATEA ROA ˈˈE O TE FENUA” E A PAHONO I TEIE MAU UIRAA:
Eaha te mau faaineineraa ta te mau taeae e tuahine i rave no te haere e farerei i te taata i roto i te tuhaa fenua atea? (Ko1 9:22, 23)
Eaha te mau haafifiraa te titauhia ia ratou ia faaruru?
Eaha te mau haamaitairaa ta ratou i ite?
Eaha te mau tutavaraa ta oe e nehenehe e rave no te farerei hau atu â taata i roto i ta oe tuhaa fenua?