TAOˈA RAU BIBILIA | EXODO 31-32

A maue ê atu i te haamoriraa idolo

E au ra e ua vaiiho te mau Iseraela i te huru feruriraa o to Aiphiti no nia i te haamoriraa idolo e ohipa i nia ia ratou. I teie tau, e rave rau huru haamoriraa idolo, e vetahi o te reira, e ere paha i te mea ohie ia taa e haamoriraa idolo tera. Aita iho â tatou e haamori roa ˈtu i te idolo. E nehenehe râ tatou e riro ei taata haamori idolo ia vaiiho tatou i te mau huru aau miimii ia haafariu ê ia tatou ia Iehova a ore atu ai e haamori ia ˈna ma to tatou aau atoa.

Hoho‘a: Te rave ra te mau mero utuafare i te mau ohipa o te mau mahana atoa. 1. Te ohipa ra te hoê metua tane i muri a‘e i te mau hora ohipa i ta ’na vahi ohipa. 2. Te hauti ra te hoê tamaiti i te mau hauti video. 3. Te hoo ra te hoê metua vahine i te tahi mau tao‘a i roto i te hoê fare toa.

Eaha te mau tuhaa o te oraraa o te nehenehe e haafariu ê ia ˈu i te haamoriraa a Iehova? Eaha ta ˈu e nehenehe e rave ia ore tera mau mea ia faatere ia ˈu?