HAAPIIRAA 14
Eaha te huru haamoriraa ta te Atua e farii?
Mai ta tatou i ite i roto i to na mua ˈtu haapiiraa, aita te Atua e farii pauroa te haapaoraa. Tera râ, e nehenehe tatou e haamori i te Atua poiete ia oaoa mai oia. Eaha “te huru haamoriraa [aore ra haapaoraa]” ta ˈna e farii? (Iakobo 1:27, nota i raro i te api) A hiˈo i ta te Bibilia e haapii ra.
1. Ua niuhia ta tatou haamoriraa i nia i te aha?
Ua niuhia ta tatou haamoriraa i nia i te Bibilia. Ua parau Iesu i te Atua: “E parau mau ta oe parau.” (Ioane 17:17) E rave rahi haapaoraa aita e tâuˈa ra i te parau mau i roto i te Bibilia. Eaha ta ratou i rave? Ua mono ratou i te reira i te mau haapiiraa e te mau peu tumu. Aita râ Iehova i mauruuru i tei “haapae i te faaueraa a te Atua.” (A taio i te Mareko 7:9.) No tatou râ, e faaoaoa tatou i te Atua ia haapao tatou i ta te Bibilia e haapii ra.
2. E nafea tatou ia haamori ia Iehova?
E hinaaro iho â tatou e haamori ia Iehova anaˈe, no te mea o ˈna to tatou Atua poiete. (Apokalupo 4:11) Te auraa, ia here e ia haamori noa tatou ia Iehova, ma te ore râ e faaohipa i te tii aore ra hohoˈa.—A taio i te Isaia 42:8.
E titauhia ia haamori tatou ia Iehova ma “te moˈa e te au.” (Roma 12:1) Te auraa, ia ora tatou ia au i ta ˈna mau ture aveia. Ei hiˈoraa, e auraro te feia e here ra ia Iehova i ta ˈna mau ture aveia no nia i te faaipoiporaa. E haapae atoa ratou i te mau peu tano ore, mai te puhipuhiraa i te avaava aore ra mai te raveraa i te raau taero aore ra mai te inu-hua-raa i te ava.a
3. No te aha tatou e haamori ai ia Iehova e te mau hoa Kerisetiano?
Ua riro te mau putuputuraa i te mau hebedoma atoa e taime no te “arue . . . ia Iehova . . . i roto i te amuiraa.” (Salamo 111:1, 2) Hoê ravea no te na reira, o te himeneraa ïa i te arueraa i te Atua. (A taio i te Salamo 104:33.) Te ani nei Iehova ia tatou ia apiti i te mau putuputuraa no to ˈna here ia tatou. E ua ite atoa o ˈna e e tauturu mai te reira ia oaoa e a muri noa ˈtu. I te mau putuputuraa, e faaitoito tatou ia vetahi e e faaitoito ratou ia tatou.
A FAAHOHONU ATU Â
A hiˈo no te aha Iehova e ore ai e farii i te faaohipa i te mau hohoˈa i roto i te haamoriraa. A haapii e nafea tatou e nehenehe ai e arue i te Atua.
4. Eiaha roa tatou e faaohipa i te mau hohoˈa i roto i ta tatou haamoriraa
Nafea tatou e ite ai aita te Atua e au ra i ta tatou e rave ra? A pata i te VIDEO, e a aparau i te uiraa i muri nei.
Eaha tei tupu a tamata ˈi vetahi mau tavini a te Atua i tahito ra i te haamori ia ˈna e te hoê tii?
Ua tamata vetahi i te faaohipa i te mau hohoˈa i roto i ta ratou haamoriraa no te faafatata ˈtu i te Atua. Aita anei tera huru haamoriraa e haafaufaa ore ra i te Atua? A taio i te Exodo 20:4-6 e te Salamo 106:35, 36, e a aparau i teie mau uiraa:
Eaha te mau taoˈa aore ra hohoˈa ta oe i ite o ta te taata i faaohipa i roto i ta ratou haamoriraa?
Eaha to Iehova manaˈo no nia i te faaohiparaa i te mau hohoˈa?
Eaha to oe manaˈo no nia i te faaohiparaa i te mau hohoˈa?
5. E tiamâ mai tatou i te mau manaˈo hape ia haamori tatou ia Iehova anaˈe
A hiˈo nafea te haamoriraa ia Iehova ma te tano e faatiamâ ˈi ia tatou i te mau manaˈo hape. A pata i te VIDEO.
A taio i te Salamo 91:14, e a aparau i teie uiraa:
Eaha ta Iehova e fafau ra i te rave no tatou ia faaite tatou i to tatou here ia ˈna ma te haamori ia ˈna anaˈe?
6. E haamori tatou i te Atua i te mau putuputuraa
E arue tatou ia Iehova e e faaitoito tatou ia vetahi ê ia himene e ia pahono tatou i te mau putuputuraa. A taio i te Salamo 22:22, e a parau i teie mau uiraa:
E oaoa anei oe ia faaroo oe i te mau pahonoraa i te mau putuputuraa?
Hinaaro anei oe e faaineine i te hoê pahonoraa?
7. E oaoa Iehova ia paraparau tatou no nia i ta tatou e haapii ra
E rave rahi tupuraa e nehenehe ai tatou e paraparau ia vetahi ê no nia i te parau mau Bibilia. A taio i te Salamo 9:1 e te 34:1, e a aparau i teie uiraa:
Eaha te tahi mau haapiiraa ta oe i ite i roto i te Bibilia o ta oe e hinaaro ra e faaite i te tahi atu taata?
TE MANAˈO O VETAHI: “E ere i te mea faufaa ta tatou huru haamoriraa ia ˈna.”
Eaha to oe manaˈo?
HAAPOTORAA
E farii to tatou Atua poiete ia haamori tatou ia ˈna anaˈe, ia arue ia ˈna i te mau putuputuraa e ia paraparau ia vetahi ê no nia i ta tatou i haapii.
Haamanaˈoraa
Nafea tatou e nehenehe ai e haapii eaha te haamoriraa ta te Atua e farii?
No te aha tatou e haamori ai ia Iehova anaˈe?
No te aha tatou e haamori ai e o vetahi o tei hinaaro ra e faaoaoa i te Atua?
HIˈOPOA
I roto i te aamu “E ere faahou vau i te tîtî a te mau idolo,” a taio nafea te hoê vahine i te tiamâraa mai i te haamoriraa idolo.
“Ua taui te Bibilia i to ˈu oraraa” (Tumu parau o Te Pare Tiairaa)
A haapii eaha te tauturu ia oe ia pahono i te mau putuputuraa.
“A arue ia Iehova i roto i te amuiraa” (Te Pare Tiairaa Tenuare 2019)
A hiˈo nafea te hoê taata apî i faufaahia ˈi i te mau putuputuraa noa ˈtu e ere mea ohie no ˈna ia apiti atu.
No te taata e rave rahi, e tapao te satauro o te Kerisetianoraa, e faaohipa râ anei tatou i te reira i roto i ta tatou haamoriraa?
“No te aha te mau Ite no Iehova e ore ai e faaohipa i te satauro?” (Tumu parau natirara)
a E aparauhia i nia i teie mau tumu parau i roto i te mau haapiiraa i muri nei.