A faaite ia Iehova i te hohonuraa o to oe here

E fanaˈoraa taa ê to te mau Ite no Iehova. Ei Kerisetiano pûpûhia e bapetizohia, te tamau noa ra tatou i te faatupu i te auhoaraa piri e o Iehova, te Arii hau ê e Fatu. Ua faafatata Iehova ia tatou ia ˈna ra maoti ta ˈna Tamaiti. (Ioa 6:44) Te faaroo ra oia i ta tatou mau pure.—Sl 34:15.

Nafea ia paruru i to tatou auhoaraa faufaa roa e te Atua? Papu maitai, e titauhia ia patoi tatou i te haerea tano ore o te mau Iseraela. I muri noa mai i to Iehova faaauraa i te hoê faufaa e o ratou, ua hamani to Iseraela i te hoê kafa auro a riro atu ai ratou ei taata haamori idolo. (Ex 32:7, 8; Ko1 10:7, 11, 14) E nehenehe tatou e ui ia tatou iho: ‘Eaha to ˈu huru a faaruru ai au i te faahemaraa? Te faaite ra anei ta ˈu mau ohipa i to ˈu here hohonu ia Iehova?’ Na to tatou here i to tatou Metua i te raˈi e tauturu mai ia patoi i te mau mea ta ˈna e riri ra.—Sl 97:10.

A MATAITAI NA I TE VIDEO A PARURU I TO OE AUHOARAA E O IEHOVA (KOL 3:5), E A PAHONO NA I TO MURI NEI MAU UIRAA:

• Eaha te nounou?

• No te aha e titauhia ia patoi tatou i te nounou aore ra te mâha ore e tae noa ˈtu i te haamoriraa idolo?

• Eaha te tuatiraa i rotopu i te faaturi e te haamoriraa idolo?

• No te aha e titauhia i te mau taeae iho â râ e hopoia ta ratou i roto i te faanahonahoraa a Iehova, ia haapao i te mau hinaaro o to ratou hoa faaipoipo?