Eita e moˈehia te mau ohipa maitai

E nehenehe te mau tavini atoa a Iehova e rave i te mau ohipa maitai no Iehova e e haamanaˈo oia i te reira e a muri noa ˈtu. Te here ra te hoê metua i ta ˈna mau tamarii e aita roa e moˈe ia ˈna te mau ohipa maitai ta ratou i rave. Hoê â e o Iehova, aita e moˈe ia ˈna ta tatou ohipa e to tatou hinaaro rahi i to ˈna iˈoa. (Mt 6:20; Heb 6:10) Papu maitai, mea taa ê to tatou mau aravihi aore ra huru tupuraa. E oaoa râ tatou ia horoa tatou i te mea maitai roa ˈˈe a tavini ai ia Iehova. (Ga 6:4; Kol 3:23) I te roaraa o te mau matahiti, ua tavini tau tausani taeae e tuahine i te Betela. E nehenehe anei oe e tavini i te Betela? Mai te peu eita, e nehenehe anei oe e faaitoito ia vetahi ê ia tavini i te Betela aore ra e nehenehe anei oe e tauturu i te hoê mero o te Betela ia tamau i ta ˈna taviniraa taa ê?

A MATAITAI NA I TE VIDEO IA INEINE ROA OE NO TE TAVINI I TE BETELA E I MURI IHO, A PAHONO NA I TO MURI NEI MAU UIRAA:

• Eaha te tumu e turai ra i te hoê taata ia tavini i te Betela?

• Eaha ta te tahi mau taata i faahiti no nia i te mau haamaitairaa e fanaˈohia a tavini ai i te Betela?

• Eaha te mau titauraa no te tavini i te Betela?

• Nafea oe e fariihia ˈi i roto i te taviniraa i te Betela?