Ia aravihi atu â i roto i te taviniraa—A pahono maitai i te mau patoiraa

No te aha mea faufaa ˈi? A feruri na e ua ite oe e e tupu te tahi ati natura. Ia ore te taata e horo, e pohe ratou. E haere ïa oe e faaara i te taata tapiri. Aita râ oia e faaroo ia oe no te mea e ohipa ta ˈna. Mea papu e eita oe e tuu! E rave rahi taata i roto i ta tatou tuhaa fenua o te ore e faaroo i ta tatou poroi faaora. E fifi paha ta ratou aore ra ua faaroo paha i te mau parau haavare no nia ia tatou. (Mat. 24:37-39; 11:18, 19) E manaˈo atoa paha ratou e ere tatou i te mea taa ê i te tahi atu mau haapaoraa tei rave i te mau ohipa ino. (Pet. 2, 2:1, 2) Eiaha râ tatou e taora i te tauera ia ore te taata e anaanatae!