Ia aravihi atu â i roto i te taviniraa—To tatou huru i mua i te hoê taata iria

No te aha e mea faufaa ˈi? E rave rahi mau taata au maitai ta tatou e farerei i roto i te pororaa. Ua tohu râ Iesu e te vai ra o te riri ia tatou. (Ioa. 17:14) Eita ïa tatou e maere ia farerei i te hoê taata iria. I roto i teie huru tupuraa, e hinaaro iho â tatou e haa ma te faaoaoa ia Iehova, e tia hoi tatou no ˈna. (Roma 12:17-21; Pet. 1, 3:15) Ia na reira tatou, eita te tupuraa e ino roa ˈtu â. E ravea atoa te reira no te faaite i te hiˈoraa maitai i te taata ta tatou e farerei aore ra i te feia o te mataitai ra ia tatou. Peneiaˈe e hinaaro ratou e faaroo i te hoê Ite no Iehova i te tahi atu taime.—Kor. 2, 6:3.