Porotarama o te mahana tairururaa taa ê i mua nei
Haapuaihia e te varua moˈa, ua faatupu te mau Kerisetiano matamua i te itoito rahi roa ˈˈe no te horoa i te faaiteraa rahi roa ˈˈe. (Ohi. 1:8, MN; Kol. 1:23) E tauturu te porotarama o te mahana tairururaa taa ê o te matahiti taviniraa 2007, ‘Ia riro roa outou i te parau,’ ia tatou taitahi ia pee i to ratou hiˈoraa nehenehe.—Ohi. 18:5, MN.
Ua parau te arii Davida, no nia i te Parau a te Atua: “Te faaite a Iehova e mea mau ïa, e paari ai te aau o te maua.” (Sal. 19:7) E haamahitihiti te porotarama o te mahana tairururaa taa ê, o tei faaineine-maitai-hia e e mea faufaa roa te mau Papai “ei faatitiaifaroraa i te mau mea, ei aˈoraa ma te parau-tia ra” e e faaitoito ia tatou ia faaohipa i te Parau a te Atua no te poro e ia haapii ma te ore e haamoe e mea ru te tau. (Tim. 2, 3:16, 17; MN) E faaite te reira ia tatou e ia faaohipa tatou i tera mau faaueraa bibilia i roto i to tatou oraraa o te mau mahana atoa, e ape ïa tatou i te mau marei e e fanaˈo tatou i te mau haamaitairaa. E ite atoa tatou e nafea ia faaohipa i te Parau a te Atua no te tauturu i te feia apî e te feia tae apî mai ia haere i mua i te pae varua.
A ara e ia tae oe i te haamataraa iho â o te porotarama, e a faaroo maitai. A papai i te mau tuhaa e tano ia oe. A faaite i to oe mauruuru no te haapiiraa e te mau haamanaˈoraa i fanaˈohia, e a feruri i te huru e faaohipa ˈi oe i ta oe e haapii mai.
E faarahi te porotarama o te mahana tairururaa taa ê i to tatou mauruuru no te Parau a te Atua, e haamanaˈo ia tatou ia tamau i te poro i te parau apî maitai o te Basileia ma te itoito rahi e e faataa ia tatou e nafea ia tauturu ia vetahi ê ia na reira atoa. A faaoti papu eiaha e mairi i te aratairaa e te haapiiraa pae varua o ta Iehova e horoa mai!—Isa. 30:20b, 21.