Réveillez-vous! taa ê e operehia i Tetepa
1 E au fatata te taata atoa i te himene a te mau manu e i te mataitai i te toparaa mahana. E rave rahi râ o te ore e farii ra e na te hoê Metua î i te here i te raˈi i poiete i teie mau mea. E ravea maitai otahi ta tatou no te haapapu i te tiaraa Atua Poiete o Iehova ma te opere i te hoê Réveillez-vous! taa ê. (Isa. 40:28; 43:10) No nia te vea taatoa o Tetepa i te tumu parau “Y-a-t-il un Créateur?”
2 I roto i te tuhaa fenua: A faanaho ia oe, mai te peu e e nehenehe, i te poro i tera fare i tera fare e te amuiraa i te Mahana maa taitahi. Parau mau, e nehenehe oe e pûpû i te mau vea i te tahi atu taime o te hebedoma. E anaanatae taa ê te mau orometua haapii e te tahi atu feia atoa e rave ra i te ohipa i te fare haapiiraa i teie vea. No reira, e nehenehe e faanaho taa ê i te farerei i tera mau taata o ta oe tuhaa fenua.
3 Ia itehia te anaanatae, a vaiiho i te hoê uiraa i te taata ta oe e pahono i te farerei-faahou-raa i muri iho. Ei hiˈoraa, e nehenehe oe e ui no te aha te hoê Atua Poiete î i te here e faatia ˈi ia rahi roa te mauiui. I te farerei-faahou-raa i muri iho, e nehenehe oe e faaite i te pene 1 aore ra te pene 11 o te buka Bibilia haapii. Aore ra e nehenehe oe e maiti i te ui eaha te opuaraa a te Atua Poiete no te fenua, e hiˈo atu ai i te pene 3 ia hoˈi faahou atu oe.
4 I te haapiiraa: Mai te peu e tei te haapiiraa oe, no te aha e ore ai e pûpû i te Réveillez-vous! taa ê ei taoˈa horoa na ta oe mau orometua haapii e to oe mau hoa haapiiraa? E nehenehe te tuu-noa-raa i te hoê vea i nia i ta oe iri papairaa e faatupu oioi i te mau uiraa no nia i ta tatou mau tiaturiraa. E ravea atoa paha ta oe no te faaohipa i te haamaramaramaraa no roto mai i te reira ia paturu oe i to oe faaroo i roto i te mau tauaparauraa a te piha haapiiraa e ia papai oe i te mau tumu parau. No te tauturu ia oe, te vai ra i roto i teie vea te tumu parau “Les jeunes s’interrogent . . .” e teie te upoo parau “Comment défendre ma croyance en la création?”
5 E au te hanahana e te tura ia Iehova no ta ˈna i hamani. (Apo. 4:11) E nehenehe tatou e faahanahana i to tatou Atua Poiete e e tauturu ia vetahi ê ia na reira na roto i te pûpûraa ˈtu ma te aau tae i te Réveillez-vous! no Tetepa.