E faaite tatou i ta tatou mau vea i tera e tera fare
1 Te haapapu-maitai-hia ra i te tumu o te A ara mai na! i te api 4 o te numera tataitahi: “Te horoa mai nei teie vea i te mau tumu papu maitai e nehenehe ai tatou e tiaturi i te Poiete tei tǎpǔ mai e e haamau oia i te hoê faanahonahoraa apî hau e te ino ore mau hou te ui i ite i te mau ohipa i tupu i te matahiti 1914 ra e mou ai.” E mea papu e ua tano iho â ia haaparare rahi i taua huru vea ra i roto i ta tatou taviniraa i tera e tera fare.
2 Te pûpû nei A ara mai na! i te hoê ravea faahiahia no te faaara i te anaanatae o te feia aita paha ratou e au i te mau uiraa pae varua. Ia taio tatou i te numera tataitahi, e imi tatou i te mau manaˈo no te tufa ˈtu. Te rave nei te tahi feia poro i te mau nota i roto i ta ratou iho vea, e te hiˈo faahou ra ratou hou a haere atu ai e pûpû i taua vea ra i roto i te pororaa, ia vai mai i roto i te feruriraa te mau manaˈo tano ia hiˈopoahia.
3 E maiti paha tatou i te haamata i ta tatou faaiteraa na roto i te hoê manaˈo arataihia i nia i te hoê tumu parau tuatapapahia i roto i te numera o te A ara mai na! ta tatou e pûpû nei.
Mai te peu e te anaanatae ra te hoê taata, e faaite tatou i te vea ma te parau e:
◼ “Te horoa ra teie tuhaa o te A ara mai na! i te mau haamaramaramaraa hau atu i nia i te tumu parau.” E taio tatou i muri iho hoê aore ra e piti pereota o ta tatou i maiti aˈena, i muri iho e parau tatou e: “I te mea e te anaanatae ra oe i teie tumu parau, e hinaaro anei oe e taio i teie tuhaa e te tahi atoa, no teie nei mahana, i roto i teie numera o te A ara mai na! No reira, te oaoa nei au i te vaiiho atu ia oe ra, e teie vea, Te Pare Tiairaa no te tino moni e 28 tara na vea e piti.”
4 Mai te peu e e faaite papu te taata i to ˈna anaanatae no te mau ohipa pae varua, e hiˈopoa ïa tatou i te hoê irava bibilia, mai te Timoteo 2, 3:1-5 i nia i te mau mahana hopea. I muri iho, no te faaara i to ˈna anaanatae no ta tatou mau vea, e nehenehe tatou e taio roa ˈtu ia ˈna te api 2 o Te Pare Tiairaa i te paratarapha o te haamata ra na roto “Te tumu o Te Pare Tiairaa”. I muri iho, e pûpû tatou ia ˈna i te mau numera apî o Te Pare Tiairaa e te A ara mai na!
5 I roto i te mau tuhaa fenua e au e ua faaô te mau taata i roto i te mau haapaoraa papu, maoti râ i te faaite i te mau vea e nehenehe tatou e parau e:
◼ “I nia i te tuhaa fenua, te farerei nei tatou i te mau taata e rave rahi haapaoraa ta ratou, taa ê rii i ta tatou. Ua rave te maimiraa i te Atua na te huitaata nei e rave rahi mau aratairaa. [E taio tatou i te Ohipa 17:26, 27.] Te farii ra anei oe i te parau e e te pee nei te rahiraa o te mau taata i te haapaoraa a to ratou mau metua, maoti râ i te tuatapapa ratou iho no te imi i te Atua? [E vaiiho i te taata ia pahono.] O ta te pene matamua o teie buka, Te huitaata i nia i te eˈa o te maimiraa i te Atua (farani) e faaite ra. [E haafaufaa tatou i te paratarapha 12, api 8.] E mea faufaa e e horoa mai i te maramarama ia haapii hau atu â i nia i te tahi atu mau haapaoraa. Te faaite ra teie buka e nohea mai te mau peu e te mau haapiiraa a te mau haapaoraa matamua o te ao nei.” Mai te peu e te vai ra te taime, e faaite i te taata te tabula o te mau pene e hoê aore ra e piti hohoˈa.
6 Ia poro tatou i tera e tera fare, e haamanaˈo tatou e te vai ra ia tatou nei e piti o te mau mauhaa maitai roa ˈˈe o teie nei ao no te tauturu i te mau taata ia haere i mua i te pae varua, Te Pare Tiairaa e te A ara mai na! E tutava tatou i te faaanaanatae i te feia i taua mau vea ra e e vaiiho tatou i te mau farereiraa tataitahi.