E nafea ia pûpû i te mau vea

Te Pare Tiairaa 1 no Mati

“Ahiri e nehenehe oe e tuu i te hoê taata no te faatere i te ao, o vai ta oe e maiti? [A vaiiho i te taata ia pahono.] Te hiˈopoa ra teie vea i te mau haapapuraa no nia i te Mesia, hoê ta te Atua i maiti no te faatere i te fenua. Te faataa atoa ra te reira i te auraa o ta ˈna faatereraa no te huitaata.” A taio i te Isaia 9:6, 7.

Réveillez-vous! Fepuare

“E rave rahi atua ta te mau taata e haamori nei i teie mahana. A tapao na râ eaha ta Iesu i parau na roto i te pure no nia i to ˈna Metua i te raˈi. [A taio i te Ioane 17:3.] Ahiri hoê anaˈe Atua mau, eaha ïa te parau no nia i te taatoaraa o te tahi atu mau atua? [A vaiiho i te taata ia pahono.] Te horoa ra teie tumu parau i te manaˈo o te Bibilia.” A faaite i te tumu parau i te mau api 28-9.

La Tour de Garde 1 no Mati

“Te farii nei te rahiraa o te taata e e mea titauhia ia here tatou ia tatou iho, mai ta Iesu i faaue i roto i teie irava. [A taio i te Ioane 13:34, 35.] Ihea râ tatou e nehenehe ai e ite i te mau taata o te faaohipa ra i ta Iesu mau haapiiraa i roto i to ratou oraraa? [A vaiiho i te taata ia pahono.] Te faaite ra teie vea e nafea tatou e nehenehe ai e ite i te mau Kerisetiano mau i teie mahana.”

Réveillez-vous! Mati

“E mea faufaa roa te here no to tatou oaoa e maitai. Tera râ, no te taata e rave rahi, e mea fifi roa ia ite i te here mau. No te aha oe e manaˈo ai e te reira iho â? [A vaiiho i te taata ia pahono.] Te taviri no te ite i te here mau, o te haapiiraa ïa i te faaite i te here miimii ore ia vetahi ê. Te tauaparau ra teie vea no nia i ta te reira e titau ra.” A taio i te Korinetia 1, 13:4-7.