E nafea ia pûpû i te mau vea

Réveillez-vous! 22 no Fepuare

“I to oe manaˈo, o te hinaaro anei o te Atua ia faaruru te taata, tae noa ˈtu te mau tamarii, i te tano-ore-raa o te maa? [E vaiiho tatou i te taata ia pahono.] A tapao na i teie parau fafau tamahanahana i roto i te Bibilia. [E taio tatou i te Salamo 72:16.] Te faataa ra teie numera o te Réveillez-vous! i te mau tumu o te tano-ore-raa o te maa, e hau atu â, i te parau fafau a te Atua e faaore i te reira.”

Te Pare Tiairaa 1 no Mati

“Te ui nei te tahi mau taata te vai mau ra anei te Atua. Te tiaturi nei te tahi atu e te vai mau ra oia, te manaˈo nei râ ratou e mea atea oia ia ratou. Eaha to oe manaˈo? [E faaroo tatou i te pahonoraa.] E mea faufaa ïa ia ite tatou iho i te Atua. [E taio tatou i te Ioane 17:3.] No reira, e ite oe e mea anaanatae roa te mau tumu parau matamua o teie numera.”

La Tour de Garde 1 no Mati

“E hinaaro vau e ite i to oe manaˈo no nia i teie irava bibilia. [E taio tatou i te Mataio 5:10.] E nafea te hoê taata o te hamani-ino-hia ra e oaoa ˈi? [E faaroo tatou i te pahonoraa.] Te faatia ra na tumu parau matamua e piti o teie vea i te aamu o te tahi mau taata o tei tapea i to ratou oaoa noa ˈtu te mauiui. Mea papu e e anaanatae oe i te ite mea nafea to ratou manuïaraa.”

Réveillez-vous! 8 no Mati

“Aita anei oe e manaˈo ra e te vai ra te mau tumu e mauruuru ai tatou noa ˈtu to tatou mau fifi i te mau mahana atoa? [E faaroo tatou i te pahonoraa.] O to tatou huru hamaniraa hoê o te mau tumu. [E taio tatou i te Salamo 139:14.] Aita anei tatou e oaoa ra e e tumu ite to tatou e au atu ai tatou i te oraraa? O ta teie ïa numera o te Réveillez-vous! e faaite ra.”