E nafea ia pûpû i te mau vea

La Tour de Garde 15 no Tetepa

“Ua faaroo na te mau taata no te mau fenua atoa i te parau no Iesu Mesia. No vetahi, e taata faahiahia noa oia. Te haamori ra te tahi atu ia ˈna mai te Atua Mana hope. O vai na o Iesu Mesia i to oe manaˈo? [A vaiiho i te taata ia pahono.] Te faataa papu ra teie vea o vai na o ˈna, nohea mai oia, e teihea o ˈna i teie nei.” A taio i te Ioane 17:3.

Réveillez-vous! 22 no Tetepa

“Aita e noaa ra i te taata e rave rahi te hoê vahi nohoraa tano. E manaˈo oe e i te hoê mahana, e fare maitai to te taata atoa? [A vaiiho i te taata ia pahono.] Te haamataratara ra teie vea Réveillez-vous! i te ati o te nohoraa. Te faaite atoa ra te reira i te mau tumu e nehenehe ai tatou e tiaturi e e tupu teie parau fafau a te Atua.” A taio i te Isaia 65:21, 22.

Te Pare Tiairaa 1 no Atopa

A taio i te uiraa i nia i te api matamua. E a parau e: “Te ite ra anei oe teihea tapao teie? [A vaiiho i te taata ia pahono. E a taio i te Mataio 24:3.] E hiˈopoa teie vea o Te Pare Tiairaa e pae tuhaa faufaa o te tapao e e faataa no te aha e mea titauhia ˈi ia ite tatou i te reira.” A faaite i te tumu parau tarenihia i te api 6.

Réveillez-vous! 8 no Atopa

“Te faatupu nei te inu-hua-raa i te ava i te fifi e rave rahi. Te faaite ra teie vea i te ohiparaa o te ava i nia i te tino. [A faaite i te hohoˈa i te api 7.] E faataa teie mau tumu parau e nafea te taata e nehenehe ai e tiamâ mai i te inu-hua-raa i te ava e e nafea vetahi ê e nehenehe ai e riro ei tauturu.”