E haafaufaa anaˈe i te ripene video Pas de sang: la médecine relève le défi
Eaha ta outou i ite no nia i te mau ravea e vai ra i roto i te tuhaa rapaauraa aita e pâmuraa toto? Ua ite anei outou i te tahi mau ravea monoraa i te pâmuraa, e e nehenehe anei outou e faataa eaha taua mau ravea ra? A mataitai i teie ripene video, e a tamatamata i to outou ite maoti te mau uiraa i muri nei.—A tapao: No te mea e pata-atoa-hia te tahi mau tâpûraa poto, na te mau metua e hiˈo e e nehenehe anei ta ratou mau tamarii rii e mataitai aore ra eita.
(1) Eaha te tumu matamua roa e patoi ai te mau Ite no Iehova i te pâmuraa toto, e teihea roa taua faaueraa tumu ra i roto i te Bibilia? (2) No nia i te rapaauraa, eaha ta tatou e hinaaro? (3) Eaha te tiaraa mau o te taata maˈi? (4) No te aha e mea tano e e mea paari ai ia patoi i te mau pâmuraa toto? (5) Ia pau rahi te toto o te hoê taata, eaha na ohipa ru e piti ta te mau taote e faatura e tia ˈi? (6) Eaha te mau fifi atâta no te ea o te taata maˈi i taaihia i te mau pâmuraa toto? (7) Eaha te tahi mau ravea a te mau taote tâpû no te faaiti mai i te taheraa toto? (8) Ia faaarahia outou i te aha no nia i te mau ravea monoraa atoa i te pâmuraa toto? (9) E nehenehe anei e rave i te mau tâpûraa atâta e te fifi roa ma te ore e pâmu i te toto? (10) E rave rahi â taote tei ineine i te rave i te aha no te mau Ite no Iehova, e eaha paha te ravea rapaauraa hopea no te feia maˈi atoa?
Na te taata taitahi e faaoti e farii i te mau huru rapaauraa atoa i patahia i roto i te ripene, ia au i to ˈna manaˈo haava.—A hiˈo i Te Pare Tiairaa o te 1 no Tiurai 2004, api 16-8, 29-31, e o te 15 no Atopa 2000, api 30-1.