Parau faaite

◼ Papai e pûpûhia i Titema: Te taata rahi roa ˈˈe i ora aˈenei. E nehenehe atoa e pûpû: Te Bibilia—Parau na te Atua aore ra na te taata?; Ta ˈu Buka Aamu Bibilia; aore ra E nehenehe oe e ora e a muri noa ˈtu i roto i te paradaiso i nia i te fenua nei. Tenuare: Te mau buka atoa i neneihia hou te matahiti 1990 na roto i te reo Farani e hou te matahiti 1995 na roto i te reo Tahiti e vai ra i roto i te amuiraa. Mai te peu e aita faahou ta outou taua mau buka ra, a ani atu i te piha a te amaa. Fepuare: E haafatata ˈtu ia Iehova. Mai te peu e aita ta outou teie papai, e nehenehe e pûpû i te buka Apokalupo: tatararaa hopea. Mati: E ara! A pûpû atu i te feia e anaanatae mau ra i te buka Ite, e a tutava taa ê i te haamata i te mau haapiiraa bibilia.

◼ Te fa o te mau tumu parau i raro aˈe i te manaˈo tumu “Mieux comprendre son médecin,” i te api matamua o te Réveillez-vous! o te 22 no Tenuare 2005, o te tautururaa ïa i te taata taio ia taa maitai atu â i to ˈna taote. Eita e ore e e anaanatae te mau taote iho i taua mau tumu parau ra, no te mea te faataahia ra i roto no te aha vetahi o ratou i anaanatae ai i te poroi o te tiaturiraa ta te Bibilia e pûpû ra. E hinaaro paha ïa outou i te tahi atu â vea e e tutava taa ê i te pûpû i te tahi na to outou taote, e na te tahi atu feia toroa o te ea. Ia faaara oioi ïa te mau amuiraa i te amaa i te mau aniraa hau o taua numera ra e tia ˈi.

◼ E haponohia ˈtu iho â te mau parau titau-manihini-raa i te Oroa haamanaˈoraa no te matahiti 2005 na roto i te reo tumu o te mau amuiraa. Mai te peu e e reo ê atu te paraparauhia ra i roto i ta outou tuhaa fenua e e hinaaro outou i te mau parau titau-manihini-raa na roto i taua mau reo ra, a papai oioi atu ïa i nia i te Demande de publications (S-14). E tuuhia te hoê tapura o te mau reo i hurihia ˈi te mau parau titau-manihini-raa i roto i te “Avis aux congrégations” o te haponohia ˈtu i te mau avaˈe atoa. A ani atu na roto noa i te mau reo e paraparauhia ra i roto i ta outou tuhaa fenua.

◼ A tapao e i te matahiti 2006, e tupu te Oroa haamanaˈoraa i te Mahana toru 12 no Eperera, i muri aˈe i te toparaa mahana. Te horoa-oioi-hia ˈtu nei teie taio mahana ia nehenehe ia ravehia te tapaoraa aore ra te tarahuraa i te mau piha, mai te peu e tau amuiraa o te faaohipa nei i te hoê â Piha a te Basileia, a titauhia ˈtu ai ia imi ratou i te tahi atu vahi no te oroa. No reira, ia faaau te mau matahiapo e te feia faatere eiaha te tahi ohipa i roto i taua mau vahi ra ia haafifi i te tereraa hau e te nahonaho o te Oroa haamanaˈoraa e tia ˈi.

◼ No te faufaa o teie oroa, ia maiti te tino matahiapo i te hoê o te mau matahiapo aravihi roa ˈˈe ei taeae orero no te Oroa haamanaˈoraa e tia ˈi, eiaha râ e rave i te hoê taeae i muri aˈe i te tahi aore ra i tera noâ taeae i te mau matahiti atoa. Mai te peu e e nehenehe te hoê taeae faatavaihia, e matahiapo oia, e hohora i te oreroraa parau, o ˈna ïa te au ia maitihia.

◼ Mai te hebedoma o te 27 no Tiunu 2005 atu, e haapii tatou i te buka Prêtons attention à la prophétie de Daniel! i roto i te mau haapiiraa buka.