E parau aniraa vea tamau anei ta tatou?
1 Ua haere aˈena anei tatou i te hoê putuputuraa no te pororaa e ite atura tatou e aita e vea i roto i ta tatou pute? No reira, e haamanaˈo tatou i te api hau o Te taviniraa o te Basileia no Setepa 1995, teie te tumu parau “E faaohipa maitai anaˈe i ta tatou mau vea.” Te manaˈo e horoahia ra, oia hoi “ia ani tatou i te rahiraa vea papu” e te na ôhia ra e: “E haere tatou e tapao i te hoê parau aniraa papu i te taeae haapao i te mau vea ia noaa mai te hoê rahiraa tano o te vea taitahi. E noaa ïa i to tatou utuafare e tatou iho te hoê rahiraa tano noa o te mau vea.” Ua pee anei tatou i teie aˈoraa?
2 No te aha e ore ai e haamau i te hoê parau aniraa vea tamau? E titau-rahi-hia ïa tatou ia pûpû i te mau vea i te mau hebedoma atoa e e rahi atu â to tatou oaoa. Mai te peu e e parau aniraa vea tamau aˈena ta tatou, e hiˈo ïa tatou e te tano ra anei te reira i te mau hinaaro matauhia o te hoê avaˈe i roto i te taviniraa. Parau mau, e haere tatou e tii ma te haapao maitai i ta tatou mau vea i te mau hebedoma atoa. Ia hiˈo tatou i te reira mai te hoê hopoia. Mai te peu e e tia ia tatou ia reva no te tahi area taime, e faaara ïa tatou i te taeae haapao i te mau vea ia horoa oia i ta tatou mau vea i te tahi atu taata e tae noa ˈtu i to tatou hoˈiraa mai.
3 Te aˈo atoa ra te api hau i faahitihia i nia nei ia “faanaho tatou i te hoê mahana vea tamau.” Te turu ra anei tatou i te mahana vea i faanahohia i te mau hebedoma atoa? Mai ta te Kalena a te mau Ite no Iehova 1999 (Farani) e faaite ra, te vai ra hoê i te mau Mahana maa atoa! Eiaha tatou e haafaufaa ore i te pûpûraa i Te Pare Tiairaa e te A ara mai na! Mea faufaa roa te reira. Oia mau, ia faaitoito tatou i te apiti taatoa i roto i taua ohipa ra, te “hopoi” ra ïa tatou “i te parau oaoa e te maitai ra” i to tatou taata-tupu.—Isa. 52:7.