E tauturu anaˈe i te feia aita to ratou e faaroo
1 I to tatou nei tau, te haafaufaahia nei te riroraa mai ei taata ite e te maramarama. Te faateitei-uˈana-hia nei te mau haapiiraa philosopho taata e te mau haapiiraa aita e tumu, area ra te mau faufaa i te pae varua ua tuuhia ïa i te hiti. E farii te feia aau rotahi o te tapea noa mai i te mau tupuraa haapapuhia e te mau parau mau taa maitai e tuatapapa i te buka ra La vie: comment est-elle apparue? Évolution ou création? E nehenehe teie buka e tauturu i te feia e erehia ra i te faaroo (Roma 1:19, 20). E ara tatou i te hoˈi faahou e hiˈo i te feia atoa tei faaite i te anaanatae no ta tatou poroi.
2 E nehenehe tatou e haamata i te aparauraa mai teie e:
◼ “Ua ite iho â oe e rave rahi orometua haapii e tiaturi nei e mea tupu noa mai te taata, e te mau mea atoa e vai nei. Eaha to oe manaˈo? [E vaiiho tatou i te taata ia pahono.] E haapiiraa noa teie aita e tumu, oia hoi ‘te hoê manaˈo,’ ‘te hoê tatararaa aita i haapapuhia.’ I te roaraa o te mau senekele, ua manaˈohia na e mea parahurahu te fenua; i teie nei, ua itehia e o te parau maamaa mau teie aita i haapapuhia. E mai te peu e e hoê â huru atoa no nia i te haapiiraa e mea tupu noa mai te mau mea atoa?” E taio tatou i te omuaraa parau i te api 4, e e tauaparau tatou i nia i te Isaia 42:5.
3 Aore ra e nehenehe tatou e haamata i te aparauraa mai teie e:
◼ “I to tatou nei mahana, e pinepine tatou i te farerei i te mau taata aita e anaanatae ra i te Atua. I mutaa ihora, e mea varavara ïa. I to oe manaˈoraa, no te aha i erehia ˈi i taua mau taata ra i te faaroo? [E vaiiho tatou i te taata ia pahono.] E rave rahi o te parau nei e o te haavîraa te tumu o te maraa ra ma te riaria i te ao nei. Te parau nei ratou e ahiri e te vai ra te hoê Atua, e tia ïa ia ˈna ia faaore roa i taua mauiui ra. I te mea hoi e aita ratou e ite nei i te faataaraa maramarama, aita ratou e tiaturi faahou ra i te Atua e aita atoa e faaroo faahou. Teie râ, e rave rahi ohipa e haapapu ra e te vai mau ra te Atua e ua fatata o ˈna i te faariro i te fenua ei vahi i reira tatou e ora ˈi ma te oaoa e i roto i te hau.” E tamau â tatou i te aparauraa ma te faaohipa i te mau manaˈo i te paratarapha 19, api 196.
4 A tapea noa ˈi tatou i ta tatou Bibilia, e haamata tatou i te parau mai teie e:
◼ “Te hoˈi faahou mai nei au no te faataa ia oe no te aha e mea faufaa te hoê haapiiraa bibilia no to tatou nei tau. E Bibilia ta te rahiraa o te mau taata, mea iti râ o te rave nei i te taime no te taio. Ua parau roa mai vetahi ia matou e aita ratou e tiaturi faahou ra i te reira. E oe, eaha to oe manaˈo? [E vaiiho tatou i te taata ia pahono.] Te mea e haapapu mai ra ia tatou e e Parau faauruahia iho â te Bibilia e te Atua, oia hoi te tupuraa o te mau parau tohu i roto.” E hiˈo tatou i te mau irava i roto i te paratarapha 6, api 234.
5 E nehenehe e taa-maitai-hia te manaˈo i muri nei:
◼ “Te ite nei tatou e mea nehenehe mau te natura e te faaite ra i te paari. Teie te hoê hiˈoraa maitai teie hohoˈa nehenehe mau o te taperaa mahana.” E faaite tatou i te hohoˈa i te mau api 12 e te 13. E haamatara tatou i te mau manaˈo i roto i te tumu parau tarenihia “Te tahi mau manaˈo haaferuriraa” e e parau tatou e nafea teie buka e horoa ˈi i te mau pahonoraa au i te mau uiraa faufaa no to tatou nei tau.
6 E nehenehe tatou e riro ei haamaitairaa no to tatou taata-tupu ma te faaohipa i te buka ra Création no te tauturu ia ˈna ia faatupu i te faaroo paari i nia i to ˈna Poiete.