Te tahi mau faahaamanaˈoraa no te mau avaˈe faafaaearaa
1 I te roaraa o te mau avaˈe faafaaearaa, eita e rave rahi e putuputu mai e te amuiraa i te tahi taime, no te haere atu i te mau tairururaa mataeinaa i te mau motu. Mai te peu e aita tatou i roto i ta tatou mau amuiraa i te hopea avaˈe, e ara tatou i te afai i ta tatou tabula ohipa i te papai parau ra. E tia ia haamanaˈo oioi tatou, ia taiohia ta tatou ohipa i roto i te tabula o te avaˈe a te amuiraa ta te papai parau e faaineine e e hopoi atu i te Taiete no te ono o te avaˈe.
2 E hinaaro atoa tatou ia ineine i te mau taime atoa ia horoa i te poroi ma te huru faanaho-ore-hia e te amuiraa, ei hiˈoraa ia reva tatou, ia haere tatou e farerei i te fetii aore ra ia tauaparau tatou. Te ite ra anei tatou i te mau tupuraa o te aratai ia tatou ia ohipa mai ia Iesu i roto i taua tuhaa ra? Aita oia i faaea i te horoa i te poroi ma te faanaho-ore-hia (Ioane 4:5-30). Mai te reira atoa, ua ‘faaherehere te aposetolo Paulo i te taime au’ e ua roaa mai te mau faahopearaa maitatai (Eph. 5:16; Ohipa 17:17; 28:30, 31; Kol. 4:5). E rave tatou i te mau faanahoraa papu no te apiti atu i taua ohipa ra. E faaineine tatou i nia i te niu o te tahi mau tumu parau tano, e ia vai te hoê vea aore ra te hoê api parau iti i roto i to tatou rima no te faaara i te anaanatae.
3 Mai te peu e tutava tatou i te faaohipa i te tahi mau tapao i faahitihia i nia nei, e faaohipa ïa tatou i to tatou taime ma te paari e e pûpû tatou na Iehova i ta tatou mau “oho matamua”. — Mas. 3:9.