Te tabula ohipa

Traduction partielle des paragraphes 3 à 6 uniquement

Ma te haapeapea i te tapao i te mea tano, e mea maitai aˈe ia tapao i te taime i horoahia, i te mau papai i vaiihohia e i te rahiraa hoˈi-faahou-raa e farerei i ravehia i te mau taime atoa tatou e haere ai e poro. I te hopea avaˈe, e amui noa mai ïa tatou i te taatoaraa, eita ïa tatou e feruri faahou i ta tatou ohipa i rave. Eiaha e haamoe i te taio hoê hoˈi-faahou-raa e farerei i te mau taime atoa outou e faatere ai i te hoê haapiiraa Bibilia. I te hopea avaˈe, a faaî i te hoê tabula haapiiraa no te mau haapiiraa Bibilia tataitahi atoa ta outou i faatere i roto i te avaˈe, e a tuu i te reira e ta outou tabula taviniraa. E au ra e mea tano ia faahaamanaˈo e e haamata te taime e horoahia no te taviniraa, ia haamata anaˈe tatou i te ohipa pororaa, e e faaoti ia hope te farereiraa hopea, noa ˈtu e i roto i na tupuraa e piti, aita e taata to te fare. I te mea hoi e e tia i te taeae papai parau ia hapono i te tabula taviniraa a te amuiraa i te Taiete ra, te papu oioi ra ïa ia tatou e no te aha e mea faufaa ia tuu te feia poro atoa i ta ratou mau tabula taviniraa i te hopea avaˈe. Aita i rahi te taime no te taeae papai parau ia haaputuputu i te mau tabula atoa, ia amui i te taatoaraa, e ia hapono i te tabula a te amuiraa. E oaoa ïa te taata poro tataitahi o te hinaaro ra e turu i teie mau faanahoraa i te paeau faanahonahoraa, ia ite oia e ua turu oia ma te tano maitai i te tabula ohipa na te ao nei a te mau Ite no Iehova. (Hiˈo Ezekiela 9:11.) Ia nehenehe ïa tatou paatoa e tuu oioi i te mau tabula taviniraa i faaîhia ma te tano maitai!