Te vai mau ra anei te mau demoni?

Te pahonoraa a te Bibilia

E. O te mau demoni “te mau melahi tei rave i te hara” o tei orure hau i te Atua. (Petero 2, 2:4) Te melahi matamua o tei faariro ia ˈna ei demoni, o te Diabolo ra o Satani pii-atoa-hia i roto i te Bibilia “te raatira o te mau demoni.”—Mataio 12:24, 26.

Orure-hau-raa i te tau o Noa

Te faatia ra te Bibilia e ua orure hau te mau demoni hou a tupu ai te diluvi i te tau o Noa. Te na ô hia ra: “Ite maira te mau tamaiti a te Atua mau e mea haviti te mau tamahine a te taata. Rave aˈera ïa ratou ei vahine faaipoipo na ratou i te mau vahine atoa ta ratou i maiti.” (Genese 6:2) Te parau ra te Bibilia no nia i teie mau melahi ino tei pou mai i nia i te fenua e “ua faarue” ratou “i to ratou iho nohoraa” i te raˈi. Ua rave ïa ratou i te tino taata no te taoto i te mau vahine.—Iuda 6.

I te taime a tupu ai te diluvi, ua faarue ratou i te fenua e to ratou tino taata no te hoˈi i te raˈi. Tera râ, aita te Atua i farii faahou ia ratou ei mero no to ˈna utuafare. Hau atu â, aita ratou e nehenehe faahou e rave i te tino taata.—Ephesia 6:11, 12.