Ua hepohepo vau: E nehenehe anei te Bibilia e tauturu mai?

Te pahonoraa a te Bibilia

E. Te vai ra te tauturu maitai roa ˈˈe no ǒ mai i te Atua “o te tamahanahana i te feia e hepohepo ra.”—Korinetia 2, 7:6.

Ravea a te Atua no te tauturu ia oe

Te puai. E tamahanahana te Atua ia oe, e ere te auraa e faaore o ˈna i to oe mau fifi. Tera râ, e pahono ra o ˈna i ta oe mau pure ma te horoa ˈtu i te puai no te faaruru i te mau mea atoa. (Philipi 4:13) Ua ineine o ˈna i te faaroo ia oe, te parau ra hoi te Bibilia: “Tei pihai iho Iehova i te feia o te mauiui ra, te faaora nei oia i te feia aau oto.” (Salamo 34:18) Oia mau, e faaroo te Atua ia oe noa ˈtu aita oe e taa nafea ia pure no te faaite atu i to oe mau manaˈo.—Roma 8:26, 27.
Te hiˈoraa Bibilia. Ua pure te papai salamo i te Atua: “Te pii nei au ia oe mai roto mai i te hohonuraa.” Noa ˈtu te hepohepo, ua haamanaˈo o ˈna e hinaaro mau iho â ra te Atua e faaore i ta ˈna mau hara. Ua parau hoi o ˈna i te Atua: “Ahani oe e tapaopao i te mau hapa, e Ia, o vai te taata e mau, e Iehova? Te faaore mau ra hoi oe i te hara, ia faaturahia oe.”—Salamo 130:1, 3, 4.
Te hoê tiaturiraa papu. Taa ê noa ˈtu i te tamahanahanaraa a te Atua i teie nei â, e faaore o ˈna i te mau tumu atoa e hepohepo ai tatou. Ua fafau te Atua: “Eita to mutaa iho ra mau mea [mai te hepohepo] e haamanaˈohia, eita atoa te reira e faahoruhoru i to ratou aau.”—Isaia 65:17.

Nota: Te imi atoa ra te mau Ite no Iehova i te tauturu a te taote ia maˈihia ratou mai te maˈi hepohepo. (Mareko 2:17) Aita matou e turai ra ia oe ia maiti i te hoê ravea rapaauraa taa maitai. Na te taata tataitahi e faaoti eaha te ravea rapaauraa ta ˈna e manaˈo ra e tano no ˈna.