Mea tano anei ia faaipoipo e rave rahi vahine e tane?

Te pahonoraa a te Bibilia

No te tahi taime, ua vaiiho te Atua ia faaipoipo te tane e rave rahi vahine. (Genese 4:19; 16:1-4; 29:18-29) E ere râ na te Atua i haamau i teie huru raveraa. Ua horoa o ˈna hoê noa vahine na Adamu.

Ua horoa te Atua ia Iesu te mana no te haamau faahou i ta ˈna mau ture aveia tia no nia i te faaipoiporaa i te hoê tane e te hoê vahine. (Ioane 8:28) Ua parau hoi Iesu: “Aita anei outou i taio e o tei poiete i te taata i te haamataraa, ua poiete i te tane e te vahine e na ô atura: ‘No reira te tane e faarue ai i to ˈna metua tane e to ˈna metua vahine, a taati atu ai i ta ˈna vahine faaipoipo, e e riro raua ei hoê’?”—Mataio 19:4, 5.

I muri iho, ua aratai te Atua i te hoê pǐpǐ a Iesu ia papai: “Ei vahine faaipoipo ïa ta te tane tataitahi e ei tane faaipoipo ta te vahine tataitahi e tia ˈi.” (Korinetia 1, 7:2) Te titau atoa ra te Bibilia no te mau taeae faaipoipo e e hopoia ta ratou i roto i te amuiraa ia riro “ei tane faaipoipo i te vahine hoê râ.”—Timoteo 1, 3:2, 12.